Elva Ardèche

	Ardèche
	elv
	Pont d'Arc over Ardèche.
Land	Frankrike
Nedslagsfelt	2 430 km²
Lengd	120 km
Middelvassføring	65 m³/s
Kjelde	Massif Central
Munning	Rhône
	; Elva Ardèche; 44°23′24″N 4°24′08″E / 44.38995°N 4.402145°E
	Wikimedia Commons: Ardèche River

Ardèche (oksitansk: Ardecha) er ei 120 km lang elv sør i Frankrike, og ei av sideelvane til Rhône frå høgre. Ho har sitt utspring i Massif Central, nær landsbyen Astet. Ho munnar ut i Rhône nær Pont-Saint-Esprit, nordvest for Orange. Elva har gjeve namn til departementet Ardèche.

Ardèchedalen er svært naturskjønn, særleg over eit 30 km langt strekke kalla Gorges du Ardèche. Her er det 300 meter høge kalksteinsklipper som utgjer breidda av elva. Kajakkpadling ned dette stykket er ikkje så veldig teknisk vanskeleg og er svært populært om sommaren. Så mange tar denne turen at det byrjar å verte eit problem for styresmaktene av naturparken som ligg i området. Den mest vidkjende staden her er ein naturleg steinboge med eit spenn på 60 meter, som går over elva, kalla Pont d'Arc (Bogebrua).