Catherine Ndereba

Catherine Ndereba
Statsborgarskap	Kenya
Fødd	21. juli 1972 (52 år) Nyeri
Idrett	friidrett
Tok del i	Sommar-OL 2008, Sommar-OL 2004

Catherine Ndereba (fødd 31. juli 1972) er ein kenyansk tidlegare langdistanseløpar frå Nyeri. Ho vart verdsmeister i maratonløping i 2003 og 2007.

Aktiv

Ndereba vann i 2000 både Chicago maraton og Boston maraton, prestasjonar ho gjentok året etter. I Chicago 7. oktober 2001 sette ho verdsrekord i maraton med tida 2.18.47, dermed sletta ho den vekegamle bestenoteringa til Naoko Takahashi frå Japan 2.19.46, oppnådd i Berlin maraton.

Under VM i friidrett 2003 i Paris sprang Ndereba inn til gull i maraton. I dei neste store meistermøta, Sommar-OL 2004 i Aten og Friidretts-VM 2005 i Helsinki, kom ho i mål til sølvmedalje. Dei same to åra tok ho sin tredje og fjerde siger i Boston Maraton.

Ndereba vann i 2006 Osaka maraton. Året etter var ho tilbake i den japanske storbyen, der ho vann sitt andre VM-gull. I dei olympiske sommarleikane i Beijing i 2008 kneip Ndereba sølvmedaljen i maraton, eitt sekund føre kinesiske Zhou Chunxiu. Tre år seinare la Ndereba opp som aktiv løpar.

Medaljar og plasseringar i internasjonale meisterskap

• VM 2003 i Paris: Gullmedalje – 2.23.45, framom Mizuki Noguchi (2.24.14)
• OL 2004 i Aten: Sølvmedalje – 2.26,32, bakom Mizuki Noguchi (2.26.20)
• VM 2005 i Helsinki: Sølvmedalje – 2.22.01, bakom Paula Radcliffe (2.20.57)
• VM 2007 i Osaka: Gullmedalje – 2.30.37, framom Zhou Chunxiu (2.30.45)
• OL 2008 i Beijing: Sølvmedalje – 2.27.06, bakom Constantina Tomescu (2.26.44)

Kjelder

• Denne artikkelen bygger på «Catherine Ndereba» frå Wikipedia på tysk, den 30. mai 2019.