Ardennes
- Ardennes er òg det franske namnet på fjellområdet Ardennane
| Ardennes | |
|---|---|
| |
| Våpenskjoldet til Ardennes | |
| Plassering | |
| |
| Administrasjon | |
| Departmentnummer: | 08 |
| Region: | Rhône-Alpes |
| Préfecture: | Charleville-Mézières |
| Sous-préfectures: | Rethel Sedan Vouziers |
| Arrondissement: | 4 |
| Kantonar: | 37 |
| Kommunar: | 463 |
| Président du conseil général: | Benoît Huré |
| Statistikk | |
| Folketal | Rangering 75. |
| -1999 | 290 130 |
| Folketettleik: | 55/km² |
| Landareal¹: | 5 229 km² |
| ¹ Franske landdata, som ikkje tar med elvemunningar, innsjøar, vatn og isbrear større enn 1 km². | |
| |
Ardennes er eit departementet nordaust i Frankrike i regionen Champagne-Ardenne. Préfecture eller administrasjonsstad er Charleville-Mézières. Departementet har 290 130 innbyggjarar (1999), og har sitt namn frå fjellområdet Ardennane, som heiter Ardennes på fransk.
Historie
[endre | endre wikiteksten]Departementet er eit av dei 83 opphavlege departementa som vart oppretta den 4. mars 1790 under den franske revolusjonen. Det er kalla opp etter landskapet Ardennane som ligg nordaust i Frankrike, sør i Belgia og i Luxembourg. Det består av delar av dei tidlegare franske provinsane Champagne og Argonne (keltisk: «Ar Gonn», som tyder «djup skog») og av fyrstedømet Sedan.
Namnet Ardennnane vart først nemnd av Julius Cæsar, som i «Krigen om Gallia» tala om ei keltisk gudinne kalla Arduinna, ei krigsgudinne som vanlegvis vart vist ridande på eit villsvin.
Området har vore utsett for mange kamphandlingar, både i den første og den andre verdskrigen, slik som Slaget ved Ardennane og Ardennaroffensiven.
Geografi
[endre | endre wikiteksten]Departementet er omringa av dei franske departementa Meuse, Marne og Aisne, og grensar til Belgia i nord.
Ardennes ligg i Ardennane og har store område med tett skog. Den største elva i området er Meuse
Demografi
[endre | endre wikiteksten]Folketalet i Ardennes har minka sidan 1982 på grunn av flytting frå distrikta til byane. Med om lag 290 000 innbyggjarar er departementet eit av dei minst folkesette i Frankrike.
Bakgrunnsstoff
[endre | endre wikiteksten]
Wikimedia Commons har multimedia som gjeld: Ardennes