Akrobat

Balanseakrobatikk utført av eit par på sykkel.

Akrobat er ein person som utfører akrobatikk, ulike gymnastiske kunstar, fysiske øvingar og vågestykke. Akrobatar opptrer gjerne som underhaldarar, særleg på sirkus, som gateartistar eller i varietéshow, og kan bruka prangande kostyme og muskk til utøvinga si. Nokre vanlege akrobatikknummer kan vera balanse- eller trapesnummer. Akrobatiske evner kan òg nyttast av artistar og utøvarar innan til dømes dans, scenekunst og idrett.

Ordet «akrobat» har opphav i det greske ordet akrobatein, «gå på tærne», som igjen er danna av akros, «høg», og bat, «gonge». Ordet blir brukt i nemninga «finansakrobat», ei nemning på forretningsfolk som gjer store økonomiske krumspring, gjerne på kanten av kva som er tillate, for å tena pengar eller unngå konkurs.

Sjå òg

Gammal plansje frå eit fransk oppslagsverk gjeve ut av Éditions Larousse i 1932 med døme på kjende akrobatar og nummer i samtida.

• Baduttspringar
• Flammeslukar
• Linedansar
• Sjonglør
• Stuntmann
• Turnar

Kjelder

• Denne artikkelen bygger på «Akrobatikk» frå Wikipedia på bokmål, den 19. november 2022.