Truncus brachiocephalicus

De Truncus brachiocephalicus is de eerste grote Fattstamm, de vun de Aorta aftwiegt

De Truncus brachiocephalicus (histoorsch ok Arteria innominata – „nich betekent Arterie“) is de eerste grote Arterie, de vun de Aorta, oder nipp un nau vun den Aortenbagen, aftwiegen deit. Se billt op de rechten Siet vun’n Lief den gemeensomen Stamm vun de Arteria carotis communis un de Arteria subclavia. Op de linken Siet twiegt de beiden Arterie normalerwies as enkelte Bloodfatten ut den Aortenbagen af. In roor Fäll kann ok op de linken Siet en Truncus braiochcephalicus vörkamen, de sik denn wieter optwiegt. Man, ok annere Oorden künnt vörkamen, de aver tyypscherwies keen krankhaftig Utwirken hebbt. En Utnahm dorvun is aver mitünner de Arteria lusoria.