Lola rennt

Filmdaten
Plattdüütsch Titel:	—
Originaltitel:	Lola rennt
Düütsch Titel:	Lola rennt
Produkschoonsland:	Düütschland
Johr vun’t Rutkamen:	1998
Läng:	81 Minuten
Originalspraak:	Düütsch
Öllersfreegaav in Düütschland:	FSK 12
Filmkru
Speelbaas:	Tom Tykwer
Dreihbook:	Tom Tykwer
Produkschoon:	Stefan Arndt
Musik:	Tom Tykwer Johnny Klimek Reinhold Heil
Kamera:	Frank Griebe
Snitt:	Mathilde Bonnefoy
Szenenbild:	Alexander Manasse
Kledaasch:	Monica Jacobs
Dorstellers
Franka Potente: Lola Moritz Bleibtreu: Manni Herbert Knaup: Vadder Nina Petri: Fro Hansen Armin Rohde: Herr Schuster Joachim Król: Norbert vun Au Ludger Pistor: Herr Meier Suzanne von Borsody: Fro Jäger Julia Lindig: Doris Beate Finkh: Kassenfro in’t Kasino Heino Ferch: Ronnie Monica Bleibtreu: De blinne Fro

Lola rennt (internatschonal Titel: Lola Runs oder Run, Lola, Run) is de Titel vun en düütschen Kinofilm mit Franka Potente un Moritz Bleibtreu in de Hööftrullen. Tom Tykwer hett dat Dreihbook to den Film schreven un weer ok sülvst Speelbaas. In den Film warrt dreemol de glieke Tietruum vun twintig Minuuten wiest, wobi jeed mol lütte Afwieken in sünnere Situatschonen binnen sünd, de den Foortgang vun de Geschicht jeed mol vullstännig anners verlopen lett.

Inholt

De Film speelt in Berlin. Manni, de Fründ vun Lola, arbeit as Geldbaad för en Drogenhännler. As in de U-Bahn Fohrkortennakiekers instiegt, neiht he ut, vun wegen dat he swart föhrt is, man he vergitt sien Plastiktüüt mittonehmen, wo 100.000 Mark binnen sünd. He hett nu blots noch twintig Minuuten Tiet, bit sien Opdraggever kummt, üm dat Geld aftohollen. He röpt Lola an, de nipp un nau disse twintig Minuuten Tiet hett, ehrn Fründ ut de Klemm to helpen. In en gresig Tempo warrt wiest, woans Lola versöcht, in de korten Tiet dat Geld tohopentokriegen. Se löpt dör de Straten na de Bank, woneem ehr Vadder de Direkter is un fraagt em na dat Geld. As he aflohnt, överfallt Manni un Lola en Supermarkt, man Lola warrt bi de Flucht ut Versehn vun en Polizisten dootschaten.

Wiel de doodblifft, rullt de Film wedder torüch un fangt wedder vun vörn an mit den Telefonanroop vun Manni. Wedder löpt Lola los un versöcht dat Geld vun ehrn Vadder to kriegen. In enkelte Details verlöpt de Geschicht nu aver anners un föhrt to en ganz anner’t Enn. Ditmol föhrt dat dorto, dat Lola sik mit Wapengewalt dat geld in de Bank vun ehrn Vadder klaut. Se bringt Manni dat Geld, de warrt aver vun en Nootfallwagen överfohren, as he över de Straat löpt.

Dat Huus in de Berliner Albertstraat, woneem de Episoden jemehrn Anfang nehmt.

De Film rull wedder torüch. Lola kummt wedder na de Bank vun ehrn Vadder, man ditmol ’n beten to laat. Se sütt em jüst noch wegfohren. Also löpt se dör de Stadt un röppt Gott üm Help an. Se hett op’n Slag den Infall, in en Speelkasino togahn, dat op’n Weg liggt. Dor sett se tweemol achterenanner ehr letzten 100 Mark bi’n Roulette un winnt dormit dat Geld, dat se bruukt. Wedder löpt se na Manni, de in de Twüschentiet aver sien Geld vun en Landstrieker wedder torüchhollt hett, de dat in de U-Bahn funnen un mitnahmen harr. De Situatschoon is reddt. De Film ennt dormit, dat Manni ehr fraagt, wat se so lopen is un wat se in de Tasch hett.

Wiel den helen Film löpt un stött Lola jümmer wedder mit Lüüd tohopen, mit de se kort snackt oder eenfach blots vörbilöpt. Man jemehr Leven ännert sik jeed mol kumplett, as dat in en Affolg vun Snappschüss andüüdt warrt.

Rezeptschonen in latere Filmen

• De Simpsons-Folg „Trilogy Of Error“ is en Hommage an den Film. In de Folg gifft dat dree Verlööp vun de Geschicht, de jümmer mitenanner verknütt sünd. Jede Verloop vertellt de Geschicht vun een Dag ut de Sicht vun Homer, Bart un Lisa, man de Geschicht is gliek. In Lisas Afsnitt rennt se dör Springfield to de Filmmusik vun Lola rennt.
• De Episood „Run, Gary, Run“ ut de Reeg Early Edition hett en glieke Geschicht.
• Ok in de Folg „Run Johnny Run“ vun de Reeg Johnny Bravo warrt dree Tietsträng bruukt un de mööglichen Entwickeln vun verscheden Minschen wiest.
• In een Folg vun de Feernsehreeg Scrubs warrt dat Titelleed ut Lola rennt speelt, as de Huusmeester in en Hunnertmeter-Hinnernloop op JD tolöpt.

Kritik

• Lexikon vun’n internatschonalen Film: Unter Einsatz verschiedenster formaler Mittel erzeugt der Regisseur überaus geschickt einen stakkatoartigen Rhythmus, der sich zu einem mitreißenden, formal brillanten visuellen Feuerwerk verdichtet. Ansätze zur Vertiefung des Stoffes in Richtung Reflexion über Zeit und Zufall sind durchaus vorhanden, werden aber nicht weitergedacht, da die Geschichte in ihren Dimensionen eng begrenzt und nur wenig übertragbar ist.

• Prisma Online: Regisseur Tom Tykwer […] überraschte mit ‚Lola rennt‘ Kritik wie Publikum: Knackig-kurze 80 Minuten, in denen [er] auch noch gleich drei Varianten einer Geschichte erzählt. […] Ansonsten ist der Titel Programm und Franka Potente als Lola rennt beinahe während des gesamten Films. Nahezu alle technischen Möglichkeiten und filmischen Errungenschaften nutzend, wechselt Tykwer von Video- zu Kinofilm, von Digital- über Farb- zu, Schwarzweiß- Bildern oder gar von Real- zu Zeichentrickfilm. Hat man sich erst einmal an den zu Beginn etwas nervigen Techno-Beat gewöhnt, erwartet einen der kurzweiligste, witzigste Streifen jüngster Zeit

• Filmstarts.de: „Lola rennt“ ist wahrscheinlich „der“ deutsche Film der späten 90er Jahre. Schnell, pulsierend, dynamisch ist der Thriller, der auf herausragende Weise das Lebensgefühl dieser Zeit einfängt. Tom Tykwer schaffte es mit „Lola rennt“, die deutsche Filmindustrie aus ihrem Schneewittchenschlaf zu wecken und auf dem internationalen Parkett zu beweisen, dass auch Filme „made in Germany“ durch Originalität und Experimentierfreudigkeit glänzen können. Für den Regisseur und seine damalige Lebensgefährtin Franka Potente sollte das Werk, welches auf den Filmfestivals weltweit gefeiert und obendrein zu einer der kommerziell erfolgreichsten deutschen Produktionen im Ausland wurde, den großen Durchbruch bedeuten.

Utteken

De Film Lola rennt weer utermatig spoodriek. De Film hett tosamen 26 Filmpriesen wunnen un weer för wietere 15 nominnert. He is ok internatschonal acht worrn. Ünner annern hett de Film Nomineeren för den BAFTA Award un för den Golden Lööw kregen. Ünner de wunnen Priesen weern:

• 1998: de Bambi in de Kategorie Film – natschonal för Franka Potente.
• 1998: de Bogey Award.
• 1999: de Düütsche Filmkritikerpries in de Kategorie Beste Film för Tom Tykwer.
• 1999: de Düütsche Filmpries in de Kategorie Best Speelfilm.
• 1999: de Düütsche Filmpries in de Kategorie Best Speelbaas för Tom Tykwer.
• 1999: de Düütsche Filmpries in de Kategorie Best Filmsnitt för Mathilde Bonnefoy.
• 1999: de Düütsche Filmpries in de Kategorie Best Kamera för Frank Griebe.
• 1999: de Düütsche Filmpries in de Kategorie Best Nevendorsteller för Herbert Knaup.
• 1999: de Düütsche Filmpries in de Kategorie Best Nevendorstellersche för Nina Petri .
• 1999: de Ernst Lubitsch Award för Tom Tykwer.
• 1999: de Bayerische Filmpries in de Kategorie Best Produkschoon för Stefan Arndt.
• 2000: de FFCC Award in de Kategorie Best utlännsch Film.
• 2000: de Independent Spirit Award in de Kategorie Best utlännsch film för Tom Tykwer.
• 2000: de OFCS Award in de Kategorie Best Filmsnitt för Mathilde Bonnefoy.
• 2000: de OFCS Award in de Kategorie Best utlännsch Film.

Musik

Blangen de Musik vun Tom Tykwer, Johnny Klimek, Reinhold Heil, Franka Potente mit Believe, is ü.a. ok The Unanswered Question vun Charles Ives verarbeit worrn. Dat Titelleed hett Franka Potente feat. Thomas D. mit den Titel Wish (Komm zu mir) maakt.

Literatur

• Anders, Petra; Rüsel, Manfred: Rund um Lola rennt. Kopiervorlagen für den Deutschunterricht. Berlin: Cornelsen 2006. ISBN 3-464-60393-8

Websteden

• Lola rennt in de Internet Movie Database (engelsch)
• Rezension op Filmzentrale.de
• En private Websteed to’n Film