Our
.jpg)
En our is en orgaan wårmed as organismen gelüüd wårneamen künnet un wat (by sougdeers) sorget dat se oaverende blyvet (in eavenwicht). By sougdeers hevt et our döärgåns dree deylen: den ourskelp (et butenste deyl), et middenour un et binnenour. Et butenste deyl besteyt uut den ourskelp un et höyrkanaal. Ümdat et butenste deyl as eanigste to seen is, wördt in gewoane språke med et our meysttyds enkel et butenste deyl bedoold. Et middenour besteyt uut de sounöömde paukenkamer (tympaniske rüümde) un dree höyrbeyntjes. Et binnenour ligt in den höyrgang un hevt en paar unmisbåre deylen: de halvcirkuläre kanalen, dee helpet by eavenwicht un et volgen med de ougen as eyne in beweaging is, et utrikel un de sakkule, wårmed eyne rechtup stille kan blyven stån. Ouk sit hyr de kochlea, wat höyren möägelik maket. Warvelden hebbet meysttyds de oren lyk verdeyld an weaderskanten an den kop, wat helpet by et richten wår gelüüd vandan kümt.
An et our kan eyne flink wat last krygen, sou as infektys un skade. Ourseekdes künnet uutgroien töt douvheid, oursusen un eavenwichtsstoornissen sou as düseligheid. Al künnet vöäle van disse klachten ouk untstån döär harsenletsel.
Al dusenden jåren wordet in verskillende kulturen rund de wearld de ouren upesmükked med ringe, hangers un andere syrråden. Ouk sint lüde gevölig vöär wo as see meynet at öäre ouren der uutseet. Lüde låtet sik mangs opereren as see meynet dat öäre ouren der anders uutseen of anstån müt.
| t Minskenlief |
|---|
|
HEUFD: schijdel - steern – ogen – oren – noster – revel – tonge – tanden – kaive – oetkiek – kin – waang  HAALS: sloek – oadamsabbel - nekken TÖRSE: scholders – roggezoel – borstkas – borst – ribben – onderlief – navvel LEDEN: aarm – elboog – onderaarm – pols – haand – vinger (doem/wieske/laange/ring/lutje) – bain – knoa – dij – knij – kuut – hak – enkel – voude – toon |