Брег (река)

Брег Breg
Изворот на Брег — географски извор на Дунав
Местоположба
Земја	Германија
Покраина	Баден-Виртемберг
Округ	Шварцвалд-Бар
Назнака.	DE: 1111
Физички особености
Извор
• место	Капела „Св. Мартин“, 6 км северозападно од Фуртванген
• координати	48°05′43″N 8°09′18″E
• надм. вис.	1.078 м
Устие
• место	Спој со Бригах образувајќи го Дунав источно од Донауешинген
• координати	47°57′04″N 8°31′14″E
• надм. вис.	672 м
Должина	46,153 км
Големина на сливот	291,5 км2
Проток
• место	кај Донауешинген
• просечен	5,95 м3/с
Особености на сливот
Течение	Дунав→ Црно Море
Знаменитости	Гратчиња: Фуртванген, Ференбах, Бројнлинген, Хифинген, Донауешинген

Спојот на Брег со Бригах (позади десно), создавајќи го Дунав (напред десно)

Брег (германски: Breg) — река во Баден-Виртемберг, Германија и главен извор на Дунав. Долга е 46 км.

Опис

Реката Брег е најдолгиот и најголем водотек кој го образува Дунав. Тече низ југоисточниот дел на Среден Шварцвалд и низините во регионот Бар.

Извира на надморска висина од 1.078 метри, 6 км северозападно од Фуртванген. Нејзиниот извор се наоѓа кај капелата „Св. Мартин“ и е наречен „Извор на Дунав“ (Donauquelle), заштитен како споменик на природата. На околу 100 м југоисточно од ова место е големата европска вододелница Рајна/Дунав. 900 метри понатаму е изворот на Елц, кој тече во истата надолжна долина но првично во спротивна насока, за потоа да се влее во Рајна.

Во горниот дел, наречена „Мачкина Угорница“ (Katzensteig), долината на Брег е производ на глацијација, со исклучително низок наклон и предели со шварцвалдски куќи. Тече на исток низ широка и понаселена долина меѓу гратчињата Фиртванген и Деренбах, а потоа свртува на североисток и тече низ осамена шумовита долина, заедно со пат и поранешна железничка линија, денес прилагодена во велосипедска патека. Накратко пред Хамерајзенбах-Брегенбах, во Брег се влева реката Линах веднаш под неговата брана, а во селото кај Хамербах се влева кратка притока која е сепак најважна поради двата големи дотеци. Близу Бројнлинген, Брег се спојува со потокот Ретенбах во вештачкото Кирнбершко Езеро. Овде реката го напушта Шварцвалд и преку Хифинген продолжува кон Донауешинген, течејќи низ пространи предели на висорамнината на Бар.

По 46,2 км Брег се слева со Бригах во Донауешинген и така настанува Дунав. Изворот на Брег хидрографски се смета за извор на Дунав бидејќи Брег е неговата најдолга и најполноводна напојница, со сливна површина од 291,5 км².

Притоки

Ова е список на поважните притоки на Брег, леви (Л) и десни (Д).

• Шиценбах (Л)
• Хинтере Брег (Д)
• Рорбах (Л)
• Лангенбах (Л)
• Линах (Д)
• Хамербах (Д) со горните теченија на Ајзенбах и Урах
• Форбах (Л)
• Колдобелбехле (Л)
• Рајхенбехле (Д)
• Вајхербах (Л)
• Ландграбен (Д)
• Ретенбах (Д)

Надворешни врски

• Брег на Ризницата ^?
• Map services of the Baden-Württemberg State Office for the Environment, Survey and Conservation (Landesanstalt für Umwelt, Messungen und Naturschutz Baden-Württemberg)
• Сливот на Брег — LUBW