Selat Malaka

Selat Malaka (‏سلت ملاک) adolah suatu salek sampik sapanjang 805 km (500 mi) nan tabantang antaro Semananjung Malaka jo Pulau Sumatera. Namo salaik ko diambiak dari namo Kasultanan Malaka nan bakuaso di daerah tu antaro 1400 dan 1511. Salaik malaka marupokan jalur parairan nan mahubuangkan Lauik Andaman (Samudra Hindia) jo Lauik Cino Salatan (Samudra Pasifik)

Dari sagi ekonomi jo strategis, Selat Malaka marupokan salah satu jalua palayaran nan tapantiang di dunia, samo pantiangnyo sarupo Tarusan Suez atou Tarusan Panama. Selat Malaka mambentuk jalur pelayaran antaro Samudra Hindia jo Samudra Pasifik sarato manghubuangkan tigo dari negara-negara jo jumlah panduduak paliang banyak di dunia: India, Indonesia jo Republik Rakyat Cino. Sabanyak 120.000 kapa malintasi Selat Malaka satiok tahunnyo, mangangkuik antaro saparlimo sampai saparampek padagangan lauik dunia. Sabanyak satangah dari minyak nan diangkuik dek kapa tanker malintasi selat iko pado 2003, jumlah iko diparkirokan mancapai 11 juta barel minyak per hari, suatu jumlah nan dipastikan akan maningkek mangingek gadangnyo parmintaan dari Cino. Dek karano leba Selat Malaka hanyo 1,5 mil lauik pado titiak tasampik, yoitu Selat Phillips dakek Singapura nan marupokan salah satu dari kamacetan lalu lintas paliang pantiang di dunia.