Metropolitan Museum of Art

ZE	Quésta pàgina a l'é scrîta in zenéize, segóndo a grafîa ofiçiâ

O MET visto da de fêua

O Metropolitan Museum of Art ("MET") o s'atrêuva a-o lâto òrientâle do Central Park, a New York. O l'é stæto inauguròu a-i 20 de frevâ do 1872, inte 'na sede a-a Quinta Stradda. Depoî o MET o l'à acatòu 'n teràin arénte a-o Central Park, dónde l'é stæto costroîo 'n edifiçio nêuvo. L'edifiçio che ancheu o l'ospita o MET o l'é lóngo 450 mètri, in sce 'n' area de óltre 180.000 m².

Coleçioìn

A coleçión permanénte do MET a contégne ciû de dôe milioìn de òpere d'arte, divîze inte 19 repàrti: Arte egìçia (ténpio egìçio de Dendur, desmontòu pe-a costruçión da diga de Assuan e chi remontòu); Arte mediorientâle antiga (òpere sumêre, ittîte, sasànidi, assîre, babiloneixi); Arte grêga e româna (câro etrùsco, conosciûo cómme o Câro de Monteleón); Arte asiatica (òpere cineixi, nepaleixi, tibetann-e); Arte africann-a, oceànica, americann-a (schéuggi dipìnti da-i australién aborìgeni); Arte islamica (miniatûe proveniénti da l'Iran e da l'Impêo indiano Moghul); Arte do medioêvo (òpere bizantìnn-e); Pitûa eoropêa (Paul Cézanne, Rembrandt, Oscar-Claude Monet, Jan Vermeer, Vincent van Gogh, Jacques-Louis David); Scultûa e arti decorative eoropêe (gioiélli, véddri, ceramiche, arassi, stoffe); Pitûa e scultûa americànn-e (ritræto do George Washington fæto da-o Gilbert Stuart); Arti decoratîve americànn-e (Tiffany); Disegni e stànpe (òpere de Michelangelo, Leonardo, Rembrandt, Van Dyck, Dürer, Degas); Coleçion Robert Lehman (Botticelli, El Greco, Goya); Arte modèrna (Pablo Picasso, Pollock); Àrme e armatûe, Vestî e costùmmi (Lanvin, Chanel, Gianni Versace, Yves Saint Laurent, Balenciaga); Fotografîa (Ford Motor Company, con fotografîe americànn-e e eoropêe do perîodo sucesîvo a-a Prìmma Goæra mondiâle), Struménti muxicâli (viôlìni Stradivari).

Tra i pitôi italién gh'é prezénpio Dria do Sarto, Fra Bertomê, Sandro Botticelli, Artemisia Gentileschi, Ménego Ghirlandaio, Giotto, Féipo Lippi, Caravaggio, Bramantino, Vittore Carpaccio, Cima da Conegliano, Loenso Lotto, Michelangelo Buonarroti, Dria Mantegna, Correggio, Carlo Crivelli, Raffaello Sanzio, Duccio di Buoninsegna, Gentîle da Fabriano, Tiçiàn Vecellio

Galerîa de òpere

• 
  Sfinge Hatschepsut
• 
  Duccio do Buoninsegna, Madònna Stroganoff
• 
  Dria do Verrocchio, Madònna co-o Bambìn, 1470 c.
• 
  Anonimo, Rose e Wisteria, 1700-1899
• 
  Antonio Canova, Naiade
• 
  Vincent van Gogh, L'Arlésienne, 1888
• 
  Pierre-Auguste Renoir, Mâ e bàrghe, 1883 c.

Bibliografîa

• (IT) Antonio Fazzini, Metropolitan museum: New York, in I Grandi Musei del Mondo, vol. 10, Romma, (alegòu a) l'Espresso, 2004.
• (IT) Lucia Impelluso, Metropolitan Museum New York, Milan, Mondadori, 5 òtôbre 2004, ISBN 978-88-3702771-1.
• (EN) Ian Wardropper, European Sculpture, 1400-1900, in the Metropolitan Museum of Art, Neuva York, Metropolitan Museum of Art, 2011, ISBN 1-588-39427-1.
• (EN) Thomas P. Campbell, The Metropolitan Museum of Art Guide, Neuva York, Metropolitan Museum of Art, 2012, ISBN 1-588-39455-7.

Âtri progètti

Altri progetti

• Wikimedia Commons

• Wikimedia Commons a contêgne di files in sce Metropolitan Museum of Art

Colegaménti estèrni

• (EN) Scîto ofiçiâ, in sce metmuseum.org. URL consultòu o 18 màrso 2021.