Aqaba
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Aqaba (Arabisch: العقبة Al-‘Aqabah) is 'n stad in zuiwest-Jordanië, de einege ziehavestad vaan 't land, die grens aon 't Israëlische Eilat. Aqaba bevint ziech in 't uterste noorde vaan de Golf vaan Aqaba (oonderdeil vaan de Roede Zie) en is de hoofstad vaan 't Aqaba gouvernemint. De Jordaanse euverheid wèlt vaan de stad 'n enorme toeristische bestumming make en daorum gief 't gein umzèttaks of accijns op verhandelde produkte. De stad oondergeit oontwikkelinge wie aander stei in d'n Arabische wereld, wie beveurbeeld Dubai en Doha.
Historie
[bewirk | brón bewèrke]In de aajdheid stoont Aqaba bekind es Elath (אילת ’Êlath) in 't Hebreeuws (en meugelek ouch in de taol dee in Edom woort gesproke). 't Waor 'n centrum vaan de Edomiete, en later vaan de Arabische Nabateeërs. De Ptolemeïsche Grieke neumde de stad Berenice, en de Romeine Aila en Aelana. Kort nao d'n tied vaan Mohammed ging 't deil oetmake vaan 't nui kalifaat, en later vaan de rieke vaan de Oemmajade, Abassiede, Fatimiede en Mamelukke. Väöl iewe later zouw 't oonderdeil weure vaan 't Ottomaanse Riek. De Arabiere vereuverde 't in 1917 oonder leiing vaan Thomas Edward Lawrence, en zörgde tot 't oonderdeil woort vaan 't keuninkriek vaan de Hidjaz. In 1925 woort 't euvergedrage aon 't Britse protectoraot vaan Transjordanië. Vaan november 1956 tot jannewarie 1957 is 't bezat gewees door Israël. Tot de Perzische Golfoorlog vaan de 80er jaore woor Aqaba 'ne belaankrieke importeur vaan Irakese geujere. Um Aqaba de ruimde te sjinke um te greuje ruilde Keuning Hussein in 1965 6000 km² weustenij mèt Saoedi-Arabië veur 12 km. köslijn ten zuie vaan Aqaba.
Demografie
[bewirk | brón bewèrke]De rizzeltaote vaan de census vaan Aqaba oetgeveurd door 't Jordaanse departemint vaan de statistiek in 2007.
| Demografische data vaan de stad Aqaba (2007) [1] | ||||||||||
|---|---|---|---|---|---|---|---|---|---|---|
| Aqaba-stad (2007) | Nationaal (2004 census) | |||||||||
| 1 | Gaanse bevolking | 98400 | 5,350,000 | |||||||
| 2 | Greujratio | 4.3% | 2.3% | |||||||
| 3 | Maan:Vrouwratio | 56.1 : 43.9 | 51.5 : 48.5 | |||||||
| 4 | Jordaniërs : Boetelenders | 82.1 : 17.9 | 93 : 7 | |||||||
| 5 | Aontal hoeshawwes | 18425 | 946000 | |||||||
| 6 | Persoene per hoeshawwe | 4.9 | 5.3 | |||||||
Bezeensweerdighede
[bewirk | brón bewèrke]- Aqaba heet 's werelds op twienao groetste veendelpaol (137 m.) dee de Veendel vaan de Arabische Revolutie dreug.
- Fort Aqaba
Verveur
[bewirk | brón bewèrke]D'n oersprunkeleke Hejazspoorweeg is allein nog meh in gebruuk veur geujereverveur. Daorum zien de menere um nao en vaan Aqaba te goon bösse vaanoet aander Jordaanse stei (wie bv. Amman), taxi's (nao Eilat, Israel via de Wadi Araba-grens), bote nao Egypte en vlöchte vaanaof 't Vleegveld Aqaba.
Indrökke vaan Aqaba
[bewirk | brón bewèrke]-
Aqaba mèt de Aqaba veendelpaol -
Fort Aqaba -
Aander ziech op Aqaba -
De Wadi Araba grens tösse Aqaba, Jordanië en Eilat, Israel
.JPG)