Hebe (Mythologie)

D'Hebe war d'griichesch Gëttin vun der Jugend an der jugendlecher Schéinheet. Si ass d'Duechter vum Zeus an der Hera, an domat d'Schwëster vum Ares an Eileithyia.

Si ass Déngerin a Mondschenk vun de Gëtter um Olymp deene se Nektar an Ambrosia zerwéiert. An dëser Funktioun gëtt d'Hebe spéider duerch de Ganymed ofgeléist.

Nodeem den Herakles zum Gott erhuewe gi war, huet en d'Hebe bestuet. Si hunn d'Kanner Alexiarks an Aniketos kritt.