Tharman Shanmugaratnam

Tharman Shanmugaratnam, litteris Tamulicis தர்மன் சண்முகரத்தினம், nomine Sinico 尚达曼 Shàng Dámàn (Singapurae natus die 25 Februarii 1957) est oeconomus internationalis et politicus Singapurae.

Religioni Hinduicae haerens, e familia Srilancensi Tamulica ortus, Tharman Shanmugaratnam filius est pathologi Kanagaratnam Shanmugaratnam. Scholam Anglosinensem frequentavit. Alumnus est scholae scientiarum oeconomicarum et politicarum Londiniensis universitatumque Cantabrigiensis et Harvardianae. Londinii Cantabrigiaeque morans in rebus politicis agebat, eo tempore se socialistam esse confitens. In Singapuram reditus usque in annum 2001 iuxta Regimen argentarium Singapurense^(en) operam dedit. Iam director factus, eo anno se retraxit parlamentoque Singapurae legatus est. Minister ab eruditione anno 2003, minister a vectigalibus anno 2007, primus minister vicarius anno 2011, minister co-ordinationis politiae oeconomicae socialisque anno 2015 creatus est. Praesidatum anno 2023 petivit, bono successu: ergo praeses Singapurae a die 14 Septembris 2023 meret.

Bibliographia

Goh Yan Han, "M Tharman to run for president, will resign from Govt and PAP on July 7" in Straits Times (9 Iunii 2023)

Nexus externi

Tessa Wong, "Tharman Shanmugaratnam: Singapore picks a president who could've been much more" (1 Septembris 2023) apud BBC News

Praesides Singapurae


Yusof Ishak 1959 • Benjamin Henry Sheares 1970 • C. V. Devan Nair 1981 • Wee Kim Wee 1985 • Ong Teng Cheong 1993 • S. R. Nathan 1999 • Tony Tan 2011 • Halimah Yacob 2017 • Tharman Shanmugaratnam 2023 尤索夫·伊萨 • 本杰明·亨利·薛尔思 • 蒂凡那 • 黃金輝 • 王鼎昌 • 塞拉潘·纳丹 • 陈庆炎 • 哈莉玛·雅各布 • 尚达曼 யூசோஃப் பின் இஷாக் • பெஞ்சமின் ஹென்றி ஷியர்ஸ் • சி.வி தேவன் நாயர் • வீ கிம் வீ • ஓங் டெங் சியோங் • செல்லப்பன் ராமநாதன் • டோனி டேன் கெங் யம் • ஹலிமா பின்தி யாகொப்] • தர்மன் சண்முகரத்தினம் Opus geopoliticum • Duces civitatum Asiaticarum hodiernarum Capsae cognatae: Primi ministri Singapurae