Jump to content

Sphyrnidae

E Vicipaedia
Classis : Chondrichthyes 
Subclassis : Elasmobranchii 
Superordo : Selachimorpha 
Ordo : Carcharhiniformes 
Familia : Sphyrnidae 
T. N. Gill, 1872
   
Palaeontologia

Palaeocaenum ad praesens[1]

Subdivisiones: Genera
Territorium
Caput malleiforme significat sphrnidas praedas efficientius invenire posse.

Sphyrnidae sunt familia superordinis Selachimorphorum, quibus est inusitata structura propria, caput complanatum et lateraliter in formam quasi mallei extensum, cephalofolium rite appellatum. Plurimae sphyrnidarum species in genus Sphyrnam, sed Eusphyra blochii in Eusphyram, suum genus monotypicum, digeruntur. Cephalofolio attribuuntur multa munera, inter quae sunt acceptio sensoria,[2] motio evagandi, tractatioque praedae. Sphyrndae omnem per orbem terrarum in aquis calidoribus secundum litora et pluteos continentales inveniuntur. Nonnullae sphyrnidarum species, plurimorum selachimorphorum dissimiles, in gregibus plerumque diu natant, noctuque venatores fiunt. Aliquae ex his gregibus insigniter prope Insulam Malpelo in Columbia, Insulas Galapagenses in Aequatoria, Insulam Cocos ante litus Costaricae, prope Molokai in Havaiis, et ante litus Africae austrina orientalisque inveniuntur.

Descriptio

[recensere | fontem recensere]

Adulti specierum notarum a 0.9 ad 6.0 metra longae et a 3 ad 580 chiliogrammata ponderis sunt.[3][4] Cutis plerumque cana pallida est, viride pallido tincta; ventres autem albi sunt, ut difficillime ex imo mari videantur, facillimeque praedam approprinquent.[5] Capitibus sunt proiecturae laterales (cephalofolia), qua pro causa malleorum similia hominibus videntur.

Symphidis sunt parva ora, contra alias selachimorphorum species. Etiam diu greges formant, aliquando ex plus quam centum singulis constantís; noctu, sicut alia selachimorpha, venatores solae fiunt. Calidiores aquas tropicas plerumque habitant, sed aestate una migrant ad aquas frigidiores inveniendas.[6]

Species

[recensere | fontem recensere]
Una ex sphyrnidis per gregem minorum piscium ante Insulam Cocos in Costarica natat.
Una ex sphrnidis in aqua humili natat.
Sphyrna lewini natat.
Homo magnam sphyrnidam mortuam in via Somaliana portat.

Familiae Sphyrnidarum sunt novem species, quae in duo genera digeruntur.

Notae

[recensere | fontem recensere]
  1. ↑ Fossilworks Database. Fossilworks Paleotology database. . Fossilworks (John Alroy) .
  2. ↑ Kajiura et Holland 2002.
  3. ↑ Hessing 2000.
  4. ↑ "Record Hammerhead Pregnant With 55 Pups". Discovery News. Associated Press. 1 Iulii 2006 
  5. ↑ "Hammerhead Shark. Sharks-world.com. Accessus 19 Decembris 2012.
  6. ↑ Hammerhead Shark. . NationalGeographic.com. 10 Septembris 2010 .
  7. ↑ Baum et al.2007.
  8. ↑ Denham et al. 2007.

Bibliographia

[recensere | fontem recensere]
  • Alderman, Christine Thomas. 2020. Hammerhead sharks. Mankato Minnesotae: Black Rabbit Books. ISBN 9781680728705 (e-book), ISBN 9781644660492 (paperback).
  • Baum, J., S. Clarke, A. Domingo, M. Ducrocq, A. F. Lamónaca, N. Gaibor, R. Graham, S. Jorgensen, J. E. Kotas, E. Medina, J. Martinez-Ortiz, J. Monzini Taccone di Sitizano, M. R. Morales, S. S. Navarro, J. C. Pérez-Jiménez, C. Ruiz, W. Smith, S. V. Valenti, et C. M. Vooren. 2007. Sphyrna lewini. The IUCN Red List of Threatened Species. doi:10.2305/IUCN.UK.2007.RLTS.T39385A10190088.en.
  • Compagno, Leonard J. V. 2003. Sharks of the order Carcharhiniformes. Caldwell Novae Caesareae: Blackburn Press. ISBN 1930665768.
  • Denham, J., J. Stevens, C. A. Simpfendorfer, M. R. Heupel, G. Cliff, A. Morgan, R. Graham, M. Ducrocq, N. D. Dulvy, M. Seisay, M. Asber, S. V. Valenti, F. Litvinov, P. Martins, M. Lemine Ould Sidi, P. Tous, et D. Bucal. 2007. Sphyrna mokarran. The IUCN Red List of Threatened Species. doi:10.2305/IUCN.UK.2007.RLTS.T39386A10191938.en.
  • Kajiura, Stephen M., et Kim N. Holland. 2002. "Electroreception in juvenile scalloped hammerhead and sandbar sharks." The Journal of Experimental Biology 205: 3609–21. Editio interretialis.
  • Tristram, H., S. Thomas, et L. Squire-Junior. 2014. "Husbandry of scalloped hammerhead sharks Sphyrna lewini (Griffith & Smith, 1834) at Reef HQ Aquarium, Townsville, Australia." Der Zoologische Garte 83 (4–6): 93–113. doi:10.1016/j.zoolgart.2014.08.002. PDF.
  • Espinosa Pérez, Héctor, José Luis Castro-Aguirre, et Leticia Huidobro Campos. 2004. Catálogo sistemático de tiburones (Elasmobranchii:Selachimorpha). Mexici: Universidad Nacional Autónoma de México, Instituto de Biología. ISBN 9683610048.

Nexus externi

[recensere | fontem recensere]
Vicimedia Communia plura habent quae ad Sphyrnidas spectant.
Receptum de "https://la.wikipedia.org/w/index.php?title=Sphyrnidae&oldid=3729164"