Opfikon

Signum
Signum Opfikonis
Notatiae elementi
Pago:	Turici
Provincia:	Pulliaci
Ambitus:	5.61km²
Populatio:	13442 (fine anni Domini 2007)
Pars Helvetiae ab:	Saeculo 15
Lingua:	Alamannica
Pagina domestica:	www.opfikon.ch
Tabula
Tabula

Opfikon [ˈʔɔpfɪkχoːn] (lingua indigena: [ˈopfikχə])^[1] est municipium Helveticum in pagi Turici provincia Pulliaci.

Quom vicus Glattbrugg (Pons Glattis), qui municipio continetur, valde creverit, municipium omne nunc volgo saepe Opfikon-Glattbrugg vocatur.

De Situ

Opfikon situs est in valle Glattis regione inferiore Turici ab urbe spectans ad aquilonem; aeroportus Turici propinquus est. Territorii locus infimus municipalis 420.4 m super aequore maris in confinio Rumilangensi, locus summus 481 m super aequore in silva Hardis est. Areae municipalis, quae 5.61 km² tegit, 37% fert domos, 17.6% aedificiis contegitur commeatus, 27% fundus est colendus, 17% silvae, 1.2% aquae sunt.

Res publica

Creatione ultima 2 Aprilis 2006 peracta hae factiones in consilio communali sedent:

Factio	SVP	FDP	GV (Societas municipalis)	CVP	EVP	SP	SD	NIO/GLP	Numeri civiles juvenes SVP
Sedes	10	4	5	4	3	5	1	2	2

Municipii praeses est Walter Fehr (GV).

De nominis origine

Nomen Opfikonis est derivatum ab hominis nomine *Opfo, quoi suffixum est in pagis Turici Argoviaeque saepe inventum et Lucernae -(i)kon/-(i)ken. Ejusdem suffixi forma -(i)kofen in Thurgovia late et in Helvetiae occidentalis hac parte, quae gentibus germane loquentibus inhabitatur, reperitur, ex quo id parte -ing-, quae ‚apud ipsius satellites’ significat, parteque -hofum, quae germani vocabuli ‚villae’ pluralis est dativus localis, compositum esse intellegimus; talia nomina vicis posita saeculo septimo esse aut octavo ducitur.^[1]

*Opfo quom nusquam sit notus, vel forma correpta nominis (velut Otfried) vel derivatio habetur thematis ad hominem vocandum apud gentes Germanicos occidentales *upp-, quod antiquom germanum superiorem *opf-/*upf- factum sit.^[1]

Veterrima notatio, qui sine dubio de hoc vico agit, saeculo duodecimo medio Obtinchofa scripta est, quom prior Ubinchova ex anno 744 non est certe attribuenda.^[1]

Fontes

↑ ^1.0 ^1.1 ^1.2 ^1.3 Andres Kristol/Gabrielle Schmid, Opfikon ZH (Bülach) in: Dictionnaire toponymique des communes suisses – Lexikon der schweizerischen Gemeindenamen – Dizionario toponomastico dei comuni svizzeri (DTS|LSG), Centre de dialectologie, Université de Neuchâtel, Verlag Huber, Frauenfeld/Stuttgart/Wien 2005, ISBN 3-7193-1308-5 et Éditions Payot, Lausanne 2005, ISBN 2-601-03336-3, p. 680f.

Nexus externi

[ks/gs-1] 1.0 ^1.1 ^1.2 ^1.3 Andres Kristol/Gabrielle Schmid, Opfikon ZH (Bülach) in: Dictionnaire toponymique des communes suisses – Lexikon der schweizerischen Gemeindenamen – Dizionario toponomastico dei comuni svizzeri (DTS|LSG), Centre de dialectologie, Université de Neuchâtel, Verlag Huber, Frauenfeld/Stuttgart/Wien 2005, ISBN 3-7193-1308-5 et Éditions Payot, Lausanne 2005, ISBN 2-601-03336-3, p. 680f.

[1]