219 a.C.n.

Annus 219 a.C.n. e serie paginarum brevium de annis.

Millennia:	millennium 2 a.C.n. · millennium 1 a.C.n. · millennium 1
Saecula:	saeculum 4 a.C.n. · saeculum 3 a.C.n. · saeculum 2 a.C.n.
Anni:	(221 a.C.n.) · 220 a.C.n. · 219 a.C.n. · 218 a.C.n. · 217 a.C.n. · 216 a.C.n. · 215 a.C.n. · 214 a.C.n. · 213 a.C.n. · 212 a.C.n. · 211 a.C.n. · (210 a.C.n.)

Eventa

Consules Livius Salinator et Aemilius Paullus insulam Pharon (prope litus Illyricum) vi capiunt. Tunc Demetrius Pharius apud Philippum, Macedonum regem, confugit, apud quem reliquam vitam egit. Ambo consules exeunte anno triumphum de Illyrico egerunt.
In Hispania Hannibal Saguntum octo menses obsessam tandem vi cepit, qui casus belli Romanis erat. Ita incepit secundum Bellum Punicum.
In Graecia Lacedaemonii et Elides societatem Aetolorum adversus Macedones et Achaeos adire constituuunt. Nam Spartae factio eorum qui priorem regem Cleomenem III desiderabant atque amicitiam Aetolorum sequebantur, occisis ephoris et plurimis aliis adversariis, duos novos reges ad libitum creavit quorum alter, Lycurgus, ne Heraclides quidem erat (tum plures iam annos, fugato Cleomene, regnum vacabat). Qui Lycurgus exercitum ad fines Arcadicos duxit.
In Syria Antiochus III Magnus Seleuciam in Pieria, Antiochiae portum, quintum et vicesimum iam annum a Ptolemaeis occupatam post obsidionem recepit. Postquam Theodotus, qui Coelae Syriae (hodie Palaestina) praefectus erat, a Ptolemaeis ad sese defecit, Antiochus III eam provinciam iamdiu inter illa duo regna disceptatam (quartum hoc bellum de Coele Syria historici moderni numerant) magno exercitu invasit et plures urbes occupavit (Tyrum, Ptolemaidem...). Eodem tempore Acheos, qui provincias Imperii Seleucidarum ultra Taurum sitas regebat, aperte seditiosus erat atque regnum sibi vindicabat : itaque rebus Ptolemaei IV favebat.

Nati huius temporis desiderati (additis natis, hanc formulam remove)