Рио-Гранде

«Риу-Гранди» менен адаштырбаңыз.

Рио-Гранде (англ. Rio Grande), Рио-Браво-дель-Норте (исп. Río Bravo del Norte) – АКШ менен Мексикадагы дарыя (эль-Пасо шаарынын чатына чейин эки өлкөнүн чек арасы). Узундугу 2870 км алабынын аянты 570 миң км². Аскалуу тоолордон башталып, негизинен кургакчыл плато, айрым жерлерде кууш капчыгайлар аркылуу агып, Мексика булуңуна куят. Толугу менен сугатка пайданалынат. Орточо чыгымы чатында 15-20 м³/сек. Ортонку агымында Элефант-Бьютт жана Фалькон ири суу сактагычтары бар. Пресидио (Мексика) шаарынан баштап кеме жүрөт. Боюнда Альбукерке, Эль-Пасо, Ларедо (АКШ), Сьюдад-Хуарес, Нуэво-Ларедо (Мексика) шаары жайгашкан.

Колдонулган адабияттар

“Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9