Бурж
Бурж (Bourges) – Франциянын борбордук бөлүгүндөгү шаар. Шер департаментинин административдик борбору. Калкы 66,9 миң (2006). Орон жана Эрен дарыясынын кошулган жеринде жайгашкан. Берри каналындагы пристань (Луара дарыясы менен байланышат). Биздин замандын 7-кылымында азыркы шаардын орду кельттердин тургун жайы болгон. Шаардагы Сент-Этьенн собору Бүткүл дүйнөлүк мурастын тизмесине кирген. Чиркөөлөр, соодагер Жак Кёрдин үйү, Пельвуазен сарайы, ар деко стилиндеги кооз бакчалар, Эл аралык электр-акустика музыкалык академиясы, Орлеан университетинин технологиялык институту, музейлер, театрлар жана башка бар. Кол өнөрчүлүк өнүккөн. Авиа жана ракета куруу, аскер, шина, жыгаччылык, тамак-аш өнөр жайы иштейт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4