Brij

Ensampel a	sport breus, gwari kartennow, bidding-based game
Klass	gwari towl, gwari kemeres trickow
Restrennow kelmys war Gemmyn Wikimedia

Deklaryer, ogas dhe gamera, a wari leuv dummy keffrys ha'y leuv y honan

Contract bridge, po en sempel brij, ew gwari kartednow kemeres trickow rag dew gopel a warioryon, an eyl kopel erbydn y gila. Kesparow a esedh an eyl a-dal y gila ort bord. En gwariow enep dhe enep, myns bord ew 80-100mm pedrek. En kebmyn a-lebmyn kopelow a wari warlinen ort bord gowir.

Milvilyow a dus a wari brij a-dreus an bes en klubys, kesstrifow, warlinen ha gen kowetha tre. Brij n onan a'n gwariow kartednow moyha gerysda. Keffrysyans Brij an Bes ew an korf governa rag brij kesstrifek kesgwlasek.

An gwari a gonsist a niver a varrys (po "deals" en Sowsnek) pan ew rennys an kartednow. Usys ew an termow 'deal', 'hand' ha 'board' en keschanjadow en lien brij. Leuv ew an 13 karten senjys gen udn gwarier, 'deal' ew an peder leuv dhort udn sett a 52 karten. 'Board' ew term en brij diwblekkhe (Sowsnek: duplicate bridge) ow kampolla radna. Emaa peder gwedh dhe bub 'deal': barri an kartednow, an strifwerth (po kydnik), gwari an kartednow, ha'n skorya. An brassa radn a wari klub ha kesstrif a wra devnydh a brij dewblekkhe, ma nag ew dasrynnys . An keth 'deals' ew gwariys gen pub bord po an brassa radn anodhans. Hebm a wra gara skorya kehelevus.

Istori

Istori a-varr brij

Gwari rag an Pewas Schwab, 1933. Ort an bord, a'n gledh: Ely Culbertson, Lady Doris Rhodes, breusydh Col. GGJ Walshe, Josephine Culbertson, 'Pops' Beasley

Gwariys ew brij gen an 52 karten standard en peswar sewt. An gwari a dhisplegyas dhyworth hwist, gwari kothha a lower. Brij a dhisplegyas yn peswar kamm ynter 1890 ha 1930. An kammow a gomprehendyas 'bridge-whist' ha 'brij strifwerth', ha'n displegyansow a hwarva yn citys Evrek Nowydh ha Loundres dre vras. Nyns yw aswonnys prag yth yw gelwys brij.

Kevreyth gwari

Gwariys yw hwist gans an sewt trump dewisys dre happ, bes en brij dewisys ew gen process gelwys 'strifwerth' po 'kydnik (bidding).

En hwist, res ew dhe'n gwaynyoryon kawas an brassa radn a'n trickow (trick ew tro a beder karten), hebm ew seyth po moy a drickow. Bettegens, en brij, an gwarioryon a gydnik pubonan en y dro dhe ervira pandra vedh an "contract" po kevambos. An kevambos ew ervirys gen an kydnik diwettha, hag e fedh en onan a'n pajar sewt po en "no trumps", heb sewt trump.

Rewlys an skorya ha'n process kesstrifa a esplegyas dre gabmow tredh 1890 ha 1930. Kydnigow war an level onan a ambos kemeres seyth trick po moy, war level seyth, kydnigow enjei dhe gemeres pubonan a'n 13 trick. An ambos isella ew "one club" (onan a'n mor du) ha'n ambos uhella ew seyth heb trump "seven no trumps".

An system skorya rag brij ew fest moy komplek ages an system rag hwist. Emava ow kregi war po gwres ew an ambos po fethys. Mar nag ew gwres an ambos, an tu defendya a guntel poyntow spal. Mars ew gwres an ambos, an tu omsettya a wayn poyntow. Harold S. Vanderbilt a warias radn alhwedhel ort desinya an system skorya, hag en 1927 Klub Hwist Evrek Nowydh a dyllas rewlys an gwari. Anjei ha Klub Portland a Loundres a dheuth an awtoritas rag ervira chanjyow munys dhe'n rewlys woja hedna.

Gwari an kartednow ew dyffrans dhe hwist ewedh. An tu a wayn an ambos a wari gen udn kespar (henwys 'deklarer') ow kwari an dhiw leuv. Y gespar ew termys "dummy", ha'n leuv na ew treylyes enep emann war an bord lebma thew gweladow dhe bub gwarier.

Brij dewblekkhe

Pekar ha lies tra aral e'n gwari, tybyans gwari diwblekkhe a veu devisys rag hwist. En "whist drives" kesparow north/soth a esedh e'n keth telleryow rag pub 'deal'. Kesparow est/west a wra gwaya emann kevres a vordow ha'n settow a gartednow a way en-nans. An gwayans sempel a veu devisys e'n 19ves kansvledhen. An gwari kensa a hwist diwblekkhe a veu restrys gaen "Cavendish" en Loundres en 1857, gwariys woja hedna en Chicago en 1880, ha'n lever kensa a-dro dhodho skrifys gen John T. Mitchell en 1891. An system ew henwys an System Mitchell lebmyn.

Argebmydnans e'n 1930ow

Contract bridge a dheuth onan a'n gwariow moyha-gerys gen Ely Culbertson, gwarier amerikanek ha restrer. Gwariow tredh Pow an Sowson ha'n Statys Unys a gawas meur a argebmydnans e'n paperyow nowydh, cinema ha radyo an 1930ow.

Ensampel a gevres kydnik

Boks kydnyk ow komprehendya pubonan a'n galowyow possybyl en strifwerth

West	North	Est	Soth
Pass	1 Kolon	Pass	1 Pal
Pass	2 Adamant	Pass	3 Pal
Pass	4 Pal	Pass	Pass
Pass

E'n ensampel war an dhyhow, West o an radner ha kensa dhe gydnik. An kydnik a avel diskwedhys gen Soth a dheuth an deklarer en ambos 4 pal, drefen y vos an kensa dhe gydnik palyow. Est/West a dheuth an difresysi ha West a dheu an kensa dhe wari karten, North ew an dummy ha palyow an sewt trump.

Res ew dhe North/Soth kemeres deg trick, hwegh trick + an ambos war 4-level.

Radna gen jynn

Dre vras brij ew gwari kowethasek gwariys en klubys. Ma niver a vordow ow kwari an keth sett a gartednow, etho possybyl ew dhe renka skorys kesparow. Gwres ew radna an kartednow gen jynn-amontya. Algorithm dre happ a sett an leuvow (settys an kartednow senjys gen pub gwarier). Junys ew an jynn-amontya dhe dhevis jynn-weythek hag a radn an kartednow. Gorrys enjei dhe'n bordys senji. Settys ew an bordys senji war an bordow gwari.

Ma an erthygel ma usya an Furv Skrifys Savonek a-barth Kernowek diwedhes.