ಮುಷ್ಟಿ

ಮುಷ್ಟಿ ಹಿಡಿಯುವುದು ಅಥವಾ ಮಾಡುವುದು ಎಂದರೆ ಕೈಬೆರಳುಗಳನ್ನು ಅಂಗೈಯ ಮಧ್ಯದೊಳಗೆ ಬಿಗಿಯಾಗಿ ಮಡಚಿ, ನಂತರ ಮಧ್ಯದ ಅಂಗುಲ್ಯಸ್ಥಿಗಳ ಮೇಲೆ ಹೆಬ್ಬಟ್ಟನ್ನು ಬಿಗಿಯಾಗಿ ಇಡುವುದು; ಇದು "ಮುಚ್ಚಿದ" ಮುಷ್ಟಿ, ಇದಕ್ಕೆ ತದ್ವಿರುದ್ಧವಾಗಿ "ತೆರೆದ" ಮುಷ್ಟಿ ಹಿಡಿಯಲು ಹೆಬ್ಬೆಟ್ಟನ್ನು ತೋರು ಬೆರಳಿನ ಪಕ್ಕದಲ್ಲಿ ಹಿಡಿದಿಡಲಾಗುತ್ತದೆ. ಮುಚ್ಚಿದ ಮುಷ್ಟಿಯನ್ನು ಒಬ್ಬರು ಒಂದು ಮೇಲ್ಮೈ ಮೇಲೆ, ಕೆಳಗಿನ ಅಂಗುಲ್ಯಸ್ಥಿಗಳಿಂದ ಗುದ್ದಲು, ಅಥವಾ ಕೈಯ ಹಿಮ್ಮಡಿಯ ಕಿರುಬೆರಳು ಕಡೆಯಿಂದ ಹೊಡಿಯಲು ಬಳಸುತ್ತಾರೆ; ತೆರೆದ ಮುಷ್ಟಿಯನ್ನು ಒಬ್ಬರು ಮಧ್ಯದ ಬೆರಳಿನ ಮಧ್ಯದ ಗೆಣ್ಣಿನಿಂದ ಬಡಿಯಲು ಬಳಸುತ್ತಾರೆ.

ಕ್ರಿಯೆಗಳು ಮತ್ತು ನರವಿಜ್ಞಾನ

ಮುಷ್ಟಿ ಹಿಡಿಯುವುದು ಇತರ ಪ್ರೈಮೇಟ್‌ಗಳಲ್ಲಿ ಬಹುತೇಕ ಅಪರಿಚಿತವಾಗಿದೆ. ಇದು ಏಕೆಂದರೆ "ಬಹುತೇಕ ಪ್ರೈಮೇಟ್ ಕೈಗಳ ಅಂಗೈ ಹಾಗೂ ಬೆರಳು ಉದ್ದವಾಗಿದ್ದು ಹೆಬ್ಬೆರಳು ಗಿಡ್ಡವಾಗಿರುತ್ತದೆ", ಆದರೆ ಮಾನವರಲ್ಲಿ ಇವುಗಳ ಪ್ರಮಾಣಗಳು ತದ್ವಿರುದ್ಧವಾಗಿವೆ.