Tuǧa
 Tuǧa | |||||
|---|---|---|---|---|---|
.jpg) | |||||
|
| |||||
| Ansa | |||||
| |||||
| Awanek anayan | Lezzayer | ||||
| Tawilayt | Tawilayt n Bgayet | ||||
| Tadayra | Tadayra n Leqṣer | ||||
| Imezdaɣ | |||||
| Teɣṛed | 9 827 (2008) | ||||
| Tarakalt | |||||
| Tezga-d ɣef yiri | Ilel agrakal | ||||
| Tilisa yakked | |||||
| Amekzay uglim | |||||
Code postal (fr)  | 06340 | ||||
| Izṭi akudan | |||||
Tuǧa neɣ Toudja d yiwet n temdint d tamecṭuḥt, tezga-d deg twilayt n Bgayet, zedɣen-tt azal n 10.000 n yimezdaɣ. Tamdint-a tezga-d deg umkan ɛlayen (Adrar n Weɣbalu, 1317 M) maca, teqreb ɣer lebḥeṛ am wakken teqreb ɣer Leqṣ̣er akked Bgayet. Imezdaɣ n Tuǧa (Ittuǧen) ttmeslayen yiwet n teqbaylit yettemcabin ɣer tin n Wayt Leqṣ̣er (deg ccerq) akked Wayt Ksila (deg lɣerb), yernu ufiɣ-d deg teqbaylit-nsen aṭas n wawalen ur nessin ara deg tuddar-nneɣ n Tizi Wezzu.
Isem n Tuǧa ad yili yekka-d seg wawal tuga. Tuga d leḥcic ay d-imeɣɣin deg lqaɛa, tetten-t lmal. Qqaren-as yiwen n wanzi : yufa uɣyul amrar, yufa umger tuga. Dɣa nezmer ad as-neqqar tuga i leḥcic. D acu kan, ma tṣ̣eḥḥa tmuɣli-inu deg wayen yerzan isem n temdint-a, nezmer ad nxemmem dakken tuǧa ad yili d talɣa taznatit n tuga. Akken i d-nenna, tintalyin tiznatiyin (am tcawit d temẓabit) ttbeddilen deg-sent kra n yimesliyen (leṣ̣wat), dɣa [g] n teqbaylit yettuɣal d [j] deg tentalyin tiznatiyin, u nezmer ad nxemmem dakken yettuɣal d [ǧ] deg kra n tegnatin. Dɣa yezmer lḥal ad yili yisem n Tuǧa yekka-d seg kra n tentala taznatit taqdimt i iɛeddan ɣef Tmurt n Leqbayel.
Yuɣ lḥal, ɣas ma yella taqbaylit mačči d tantala taznatit, maca nezmer ad naf deg-s kra n wawalen i as-d-yekkan seg tmaziɣt taznatit. ɣef umedya, "iccer", "ticcert" akk d "yiccew" kkan-d merra seg tmaziɣt taznatit. D acu kan, icebba-yi Ṛebbi dakken yewɛer ad nẓer melmi i d-kecmen wawalen-a ɣer teqbaylit. Tiqbilin tiznatiyin llant, deg lasel-nsent, d tiqbilin n yimeksawen ay yebdan la ttinigent deg tagara n tallit n Rruman seg Tunes ɣer lɣerb n Tmazɣa. Tagelda tamaziɣt tamezwarut deg tallit n Lislam d Iznatiyen ay tt-id-yesbedden deg tama n Taheṛt, yernu Imẓubay n Tɣerdayt d arraw n Yiznatiyen-a. Deg Tallit Talemmast, tiqbilin tiznatiyin n lɣerb n Tmazɣa llant la ttnaɣent d teqbilin timaziɣin n ccerq, ladɣa deg tallit n uwanak (ddewla) n Yiḥemmadiyen.
Mebla ccek, aṭas n Yiznatiyen i iɛeddan ɣef Tmurt n Leqbayel u ǧǧan-d deg-s lateṛ deg tutlayt. Ahat isem n Tuǧa d later-nniḍen ay d-ǧǧan Yiznatiyen deg wakal n Tmurt n Leqbayel.
Tarakalt
[ẓreg | ẓreg aɣbalu]
Tudrin
[ẓreg | ẓreg aɣbalu]- Acluf
- Adɣes
- Asumat
- Asun
- At Ismaɛil
- At Ixlef
- At Mesɛud
- At Meɛzuza
- At Reḥmun
- At Uṣalaḥ
- At Yusef
- At Ɛmar
- At Ɛli 1
- At Ɛli 2
- Azwalen
- Bubecca
- Buberka
- Budawed
- Buḥatem
- Ccerfa
- Ddas
- Ibarisen
- Ibelḥaǧen
- Ibeɛɛucen
- Icc n Tgemmunt
- Iheggaren
- Ifran
- Isbixen
- Ixeṭṭaben
- Ixf Ulma
- Iɣil Muyen
- Iɣil n Sɛid
- Iɣil Ɛlahem
- Iḥamiyen
- Lmaɛerbi
- Suq Lǧemɛa
- Tadrart
- Tagemmunt Xelfa
- Tala Hiba
- Tala n Buḥi
- Tala Umalu
- Tardam
- Taɣzuyt n At Ɛetman
- Taɣzuyt n Ddas
- Timanitin
- Timerjin
- Timri Lleḥsen
- Timri n tgarfa
- Tiwririn
- Tiɣremt
- Tiɣẓert
- Tiḥnayin
- Yimlul
- Zizlum
- Ɛṭella
