Norðvesturkjördæmi

Norðvesturkjördæmi

Þingmenn  • Kjördæmakjörnir  • Jöfnunarmenn  • Alls	7 (verða 6 frá 2025) 1 8 (verða 7 frá 2025)
Mannfjöldi	31.881 (2024)
Sveitarfélög	22
Kjósendur  • Á kjörskrá  • Á hvert þingsæti	21.548 (2021) 2694
Kjörsókn	82% (2021)
Núverandi þingmenn
1.  Stefán Vagn Stefánsson  B  2.  Þórdís Kolbrún Reykfjörð Gylfadóttir  D  3.  Lilja Rannveig Sigurgeirsdóttir  B  4.  Bjarni Jónsson  G  5.  Haraldur Benediktsson  D  6.  Eyjólfur Ármannsson  F  7.  Halla Signý Kristjánsdóttir  B  8.  Bergþór Ólason  M

Norðvesturkjördæmi er eitt af kjördæmum Íslands. Það er fámennasta kjördæmið og hefur átta sæti á Alþingi, þar af eitt jöfnunarsæti. Kjördæmið varð til þegar fyrrverandi kjördæmin Vesturland, Vestfirðir og Norðurland vestra voru sameinuð með nýrri kjördæmaskipan árið 2000 með þeirri undantekningu að Siglufjörður sem áður tilheyrði Norðurlandi vestra tilheyrir nú Norðausturkjördæmi. Fyrst var kosið samkvæmt nýrri kjördæmaskipan í Alþingiskosningum 2003.

Upphaflega var fjöldi þingsæta í kjördæminu ákveðinn tíu sæti, þar af níu kjördæmissæti en eitt jöfnunarsæti. Þegar kosið var samkvæmt nýju kjördæmaskipaninni fyrst 2003 var fjöldi kjósenda á kjörskrá að baki hverjum þingmanni innan við helmingur af fjölda kjósenda að baki hverju þingsæti í Suðvesturkjördæmi. Fyrir kosningarnar 2007 var því eitt kjördæmissæti flutt úr Norðvesturkjördæmi yfir í Suðvesturkjördæmi í samræmi við ákvæði stjórnarskrár og kosningalaga. Sama staða kom upp eftir alþingiskosningar 2009 og 2021 þannig að eitt kjördæmissæti fluttist yfir í Suðvesturkjördæmi í hvort skipti. Í kosningunum 2024 verða því sex kjördæmissæti og eitt jöfnunarsæti í Norðvesturkjördæmi. Samkvæmt stjórnarskrá skulu ekki vera færri en sex kjördæmissæti í hverju kjördæmi og því er ljóst að ekki verða fleiri sæti færð frá Norðvesturkjördæmi samkvæmt þessum ákvæðum.

Sveitarfélög

Eftirfarandi sveitarfélög eru í Norðvesturkjördæmi: Akraneskaupstaður, Hvalfjarðarsveit, Skorradalshreppur, Borgarbyggð, Eyja- og Miklaholtshreppur, Snæfellsbær, Grundarfjarðarbær, Stykkishólmsbær, Dalabyggð, Reykhólahreppur, Vesturbyggð, Bolungarvíkurkaupstaður, Ísafjarðarbær, Súðavíkurhreppur, Árneshreppur, Kaldrananeshreppur, Strandabyggð, Húnaþing vestra, Húnabyggð, Sveitarfélagið Skagaströnd og Sveitarfélagið Skagafjörður.

Kosningatölfræði

Kosningar	Kjósendur á kjörskrá	Breyting	Greidd atkvæði	Kjörsókn	Utankjörfundar- atkvæði		Þingsæti	Kjósendur á hvert þingsæti	Vægi[1]
					Fjöldi	Hlutfall greiddra
2003	21.247	á ekki við	18.984	89,3%	1.690	8,9%	10	2.125	158%
2007	21.126	121	18.178	86,0%	2.735	15,0%	9	2.347	150%
2009	21.293	167	18.214	85,5%	2.450	13,5%	9	2.366	153%
2013	21.318	25	17.825	83,6%	3.145	17,6%	8	2.665	142%
2016	21.481	163	17.444	81,2%	3.149	18,1%	8	2.685	146%
2017	21.521	40	17.872	83,0%	3.483	19,5%	8	2.690	147%
2021	21.548	27	17.669	82,0%	3.763	21,3%	8	2.694	150%
2024	22.348	800	-	-	-	-	7	3.193	133%
[1] Vægi atkvæða í Norðvesturkjördæmi miðað við vægi atkvæða á landsvísu.
Heimild: Hagstofa Íslands

Þingmenn kjörnir úr kjördæminu

Þingmenn kjörnir úr kjördæminu

Kosningar	1.	2.	3.	4.	5.	6.	7.	8.	9.	10.
2003	Sturla Böðvarsson  D	Jóhann Ársælsson  S	Magnús Stefánsson  B	Einar K. Guðfinnsson  D	Guðjón A. Kristjánsson  F	Anna Kristín Gunnarsdóttir  S	Kristinn H. Gunnarsson  B	Jón Bjarnason  V	Einar Oddur Kristjánsson  D	Sigurjón Þórðarson  F
2007	Sturla Böðvarsson  D	Guðbjartur Hannesson  S	Magnús Stefánsson  B	Jón Bjarnason  V	Einar K. Guðfinnsson  D	Guðjón A. Kristjánsson  F	Karl V. Matthíasson  S	Einar Oddur Kristjánsson  D	Kristinn H. Gunnarsson  B
2009	Ásbjörn Óttarsson  D	Jón Bjarnason  V	Guðbjartur Hannesson  S	Gunnar Bragi Sveinsson  B	Einar K. Guðfinnsson  D	Lilja Rafney Magnúsdóttir  V	Ólína Þorvarðardóttir  S	Guðmundur Steingrímsson  B	Ásmundur Einar Daðason  V
2013	Gunnar Bragi Sveinsson  B	Einar K. Guðfinnsson  D	Ásmundur Einar Daðason  B	Haraldur Benediktsson  D	Guðbjartur Hannesson  S	Elsa Lára Arnardóttir  B	Jóhanna María Sigmundsdóttir  B	Lilja Rafney Magnúsdóttir  V
2016	Haraldur Benediktsson  D	Gunnar Bragi Sveinsson  B	Þórdís K. R. Gylfadóttir  D	Lilja Rafney Magnúsdóttir  V	Eva Pandóra Baldursdóttir  P	Teitur Björnsson  D	Elsa Lára Arnardóttir  B	Guðjón Brjánsson  S
2017	Haraldur Benediktsson  D	Ásmundur Einar Daðason  B	Lilja Rafney Magnúsdóttir  V	Bergþór Ólason  M	Þórdís K. R. Gylfadóttir  D	Guðjón Brjánsson  S	Halla Signý Kristjánsdóttir  B	Sigurður Páll Jónsson  M
2021	Stefán Vagn Stefánsson  B	Þórdís K. R. Gylfadóttir  D	Lilja Rannveig Sigurgeirsdóttir  B	Bjarni Jónsson  V	Haraldur Benediktsson  D	Eyjólfur Ármannsson  F	Halla Signý Kristjánsdóttir  B	Bergþór Ólason  M

Tengill

• Lög um kosningar til Alþingis nr. 24 16. maí 2000