18. maí

18. maí er 138. dagur ársins (139. á hlaupári) samkvæmt gregoríska tímatalinu. 227 dagar eru eftir af árinu.

Atburðir

• 1012 - Teofilatto dei conti di Tuscolo varð Benedikt 8. páfi.
• 1152 - Elinóra af Akvitaníu og Hinrik af Normandí gengu í hjónaband.
• 1160 - Eiríkur Svíakonungur, síðar Eiríkur helgi, var drepinn (dagsetning samkvæmt helgisögu Eiríks).
• 1268 - Orrustan um Antiokkíu: Mamlúkasoldáninn Baibars lagði krossfararíkið Antiokkíu undir sig og eyddi borginni.
• 1514 - Frans, krónprins Frakklands, og Claude af Bretagne gengu í hjónaband.
• 1565 - Tyrkjaveldi hóf umsátur um Möltu sem var hrundið þremur mánuðum síðar.
• 1693 - Frakkar réðust á höfuðborg Pfalz, Heidelberg.
• 1727 - Pétur 2. varð Rússakeisari.
• 1756 - Sjö ára stríðið hófst formlega milli Frakka og Englendinga.
• 1897 - Stokkseyrarhreppi var skipt í Stokkseyrarhrepp og Eyrarbakkahrepp.
• 1908 - Rannsóknarskipinu Pourquoi-Pas ? (4.) var hleypt af stokkunum í Saint-Malo í Frakklandi.
• 1920 - Sambandslögin frá 1918 voru staðfest með breytingum á stjórnarskrá.
• 1930 - Strandferðaskipið Súðin kom til Íslands.
• 1973 - Breski sjávarútvegsráðherrann Joseph Godber lýsti því yfir að herskip myndu gæta breskra fiskiskipa við veiðar innan 50 mílna landhelgi Íslands.
• 1978 - Selfoss fékk kaupstaðarréttindi.
• 1978 - Sovéski eðlisfræðingurinn Júrí Orlov var dæmdur til þrælkunarvinnu.
• 1980 - Eldfjallið Sankti Helena gaus í Washingtonfylki. 57 létust og tjónið var metið á þrjá milljarða dollara.
• 1988 - Bókamessan í Tórínó fór fram í fyrsta sinn.
• 1989 - Verkfalli Bandalags háskólamanna lauk. Þá hafði það staðið í sex vikur og valdið mikilli röskun á skólastarfi.
• 1991 - Sómalíland klauf sig frá Sómalíu.
• 1991 - Helen Sharman varð fyrsti Bretinn í geimnum og fyrsta konan sem kom í geimstöðina Mír með sovéska geimfarinu Sojús TM-12.
• 1993 - Danir samþykktu Edinborgarsamþykktina og þar með Maastricht-sáttmálann með fjórum fyrirvörum.
• 1994 - Félag leikmynda- og búningahöfunda var stofnað á Íslandi.
• 1996 - Eimear Quinn sigraði Söngvakeppni evrópskra sjónvarpsstöðva 1996 fyrir Írland með laginu „The Voice“.
• 1996 - Ansari X-verðlaunin voru kynnt til sögunnar.
• 2003 - 260 létust af völdum flóða þegar hitabeltisfellibylur gekk yfir Srí Lanka.
• 2006 - Silvía Nótt söng lagið „Congratulations“ fyrir hönd Íslands í forkeppni Söngvakeppni evrópskra sjónvarpsstöðva 2006.
• 2006 - Þing Nepals samþykkti að draga úr völdum konungsins og gera ríkið veraldlegt.
• 2009 – Tæplega 26 ára löngu borgarastríði á Srí Lanka lauk með sigri stjórnarhersins.

• 2011 - Kvikmynd Lars von Trier, Melancholia, vann gullpálmann á kvikmyndahátíðinni í Cannes.
• 2012 - Bandaríska kvikmyndin Beðið eftir barni var frumsýnd.
• 2013 - Emmelie de Forest sigraði Söngvakeppni evrópskra sjónvarpsstöðva 2013 fyrir Danmörku með laginu „Only Teardrops“.
• 2014 - Hersveitir Khalifa Haftar frömdu valdarán í Líbýu, hertóku Trípólí og gerðu loftárásir á Benghazi.
• 2016 - Sevilla F. C. sigraði Evrópukeppni félagsliða í knattspyrnu í fimmta skiptið með 3:1 sigri á Liverpool.
• 2018 - Cubana de Aviación flug 972 fórst skömmu eftir flugtak frá Havana með þeim afleiðingum að 112 létust.
• 2019 - Þingkosningar fóru fram í Ástralíu. Ríkisstjórn Frjálslynda flokksins undir forsæti Scotts Morrison vann sigur gegn stjórnarandstöðunni, þvert á væntingar.
• 2019 - Söngvakeppni evrópskra sjónvarpsstöðva var haldin í Tel Aviv í Ísrael. Duncan Laurence vann keppnina fyrir Holland með laginu „Arcade“. Hljómsveitin Hatari keppti fyrir hönd Íslands og lenti í 10. sæti.

Fædd

• 1048 - Omar Khayyam, persneskt skáld (d. 1131).
• 1692 - Joseph Butler, enskur guðfræðingur (d. 1752).
• 1797 - Friðrik Ágúst 2., konungur Saxlands (d. 1854).
• 1848 - Hermann Alexander Diels, þýskur fornfræðingur og heimspekingur (d. 1922).
• 1868 - Nikulás 2. Rússakeisari (d. 1918).
• 1872 - Bertrand Russell, breskur heimspekingur, stærðfræðingur, rithöfundur og Nóbelsverðlaunahafi (d. 1970).
• 1883 - Walter Gropius, þýskur arkitekt (d. 1969).
• 1889 - Gunnar Gunnarsson, íslenskur rithöfundur (d. 1975).
• 1891 - Rudolf Carnap, þýskur heimspekingur (d. 1970).
• 1897 - Frank Capra, bandarískur leikstjóri og kvikmyndaframleiðandi (d. 1991).
• 1909 - Guðmundur Kjartansson, íslenskur jarðfræðingur (d. 1972).
• 1919 - Margot Fonteyn, enskur ballettdansari (d. 1991).
• 1920 - Jóhannes Páll 2., páfi (d. 2005).
• 1922 - G.E.L. Owen, velskur fornfræðingur (d. 1982).
• 1925 - Eyjólfur Jónsson, íslenskur sundkappi.
• 1941 - Fernando Arbex, spænskur trymbill (d. 2003).
• 1952 - Ingibjörg Hjartardóttir, íslenskur rithöfundur.
• 1963 - Davíð Tencer, biskup á Íslandi.
• 1967 - Heinz-Harald Frentzen, þýskur ökuþór.
• 1970 - Tina Fey, bandarísk leikkona.
• 1971 - Brad Friedel, bandarískur knattspyrnumaður.
• 1978 - Ricardo Carvalho, portúgalskur knattspyrnumaður.
• 1983 - Erla Steina Arnardóttir, íslensk knattspyrnukona.
• 1985 - Guðbjörg Gunnarsdóttir, íslensk knattspyrnukona.

Dáin

• 526 - Jóhannes 1. páfi (f. 470).
• 1160 - Eiríkur helgi, Svíakonungur.
• 1675 - Jacques Marquette, franskur trúboði (f. 1637).
• 1692 - Elias Ashmole, enskur fornfræðingur (f. 1617).
• 1911 - Gustav Mahler, austurrískt tónskáld (f. 1860).
• 1987 - Heðin Brú, færeyskur rithöfundur (f. 1901).
• 1989 - Gunnar Nielsen, formaður Knattspyrnufélagsins Fram (f. 1914).
• 2008 - Jonathan James, bandarískur tölvuhakkari (f. 1983).
• 2013 - Gissur Ólafur Erlingsson, íslenskur þýðandi (f. 1909).
• 2015 - Halldór Ásgrímsson, íslenskur stjórnmálamaður (f. 1947).
• 2016 - Margrét Indriðadóttir, íslenskur fréttastjóri (f. 1923).
• 2017 - Chris Cornell, bandarískur tónlistarmaður (f. 1964).