Mahatma Gandhi
Mohandas Karamchand Gandhi "Mahatma" (sanscrito: grande anima) (devanagari: मोहनदास करमचन्द गांधी, gujarati મોહનદાસ કરમચંદ ગાંધી) (2 de octobre 1869 - 30 de januario 1948) esseva un del patres fundatores del stato de India. Su philosophia advocava le pacifismo como forma de revolution, lo que se cognosce como: social-pacifismo.
Gandhi adjutava a obtener le independentia de India ab Grande Britannia, inspirante altere colonias a travaliar pro lor independentia e finalmente dismantelar le Imperio Britannic reimplaciante lo per le Commonwealth. Le principio de Gandhi de satyagraha (sanscrito: veritate + via), ha inspirate generationes de activistas pro-democratia e anti-racista como Martin Luther King, Jr. et Nelson Mandela. Alcun vices ille exprimeva que su valores esseva simple: veritate et non-violentia.
Juventute
[modificar | modificar fonte]Gandhi nasceva in Porbandar, un village litoral in le stato de Gujarat in India. Ille esseva le filio de un official local et studiava leges in London. Ille realisava su prime travalios como homine del lege in Africa del Sud in 1893, e ibi se initiva in le politica, luctante contra le leges que discriminava contra le hindues in Africa del Sud mediante le resistentia passive e le disobedientia civil.
Al retorno a India
[modificar | modificar fonte]Post su retorno a India, ille de novo luctava contra le mesuras britannic discriminatori, usante, inter altere armas pacific, le exopero e le exopero del fame. Ille duceva le 'Marcha del Sal', un acto de protesto contra le rata elevate de taxa super le sal imponite sub le governamento colonial britannic. Quando le independentia de India esseva attingite, Gandhi essayava reformar le societate indian. Ille laborava pro le integration con le castas le plus basse (le 'intoccabiles'; dalit in hindi moderne), e pro le disveloppamento del zonas rural. Ille disapprobava le conflictos inter le religiones que sequeva le independentia de India, e defendedente le musulmanes in territorio hindu, ille esseva assassinate per Nathuram Godse, un fanatico hindu, le 30 de januario 1948.
Le vegetarianismo de Gandhi
[modificar | modificar fonte]Gandhi esseva nonobstante un vegetariano eminente: "Io senti que le progresso spiritual nos demanda de cessar de occider e devorar nostre fratres, creaturas de Deo, e solo pro satisfacer nostre perversias e appetito sensual. Le suprematia del homine super le animal deberea demonstrar se non essente orgoliose del barbaric costume de occider e devorar, ma costudiante les, protegente e amante les. Non mangiar carne constitue sin le minor dubita un grande adjuta pro le evolution e pace de nostre spirito."
Education Pacificatrice e Non-violente
[modificar | modificar fonte]Le 30 de januario, anniversario del morte del Mahatma Gandhi: Die Scholar del Non-violentia e del Pace (DENIP), fundate per le poeta e pacifista majorchino Llorenç Vidal in 1964.