Հագենովը գտնվում է Բալթիկ ծովից 70 կմ հեռավորության վրա։ Մոտակա խոշոր քաղաքներն են՝ Շվերին (մոտ 30 կմ), Վիսմար (մոտ 65 կմ) հյուսիս-արևելքում, Համբուրգը (մոտ 80 կմ) և Լյուբեկը (մոտ 85 կմ) արևմուտքում։ Քաղաքի միջով անցնում է Շմար գետը, որը քաղաքի կենտրոնական հատվածում գոյացրել է լճակ։
Քաղաքի անունը առաջին անգամ հիշատակվում է 1194 թվականին Hachenowe (Հախենովե), այնուհետև Haghenow(e) (Հագհենով) (1316, 1326), ավելի ուշ Hagenowe (Հագենովե) և վերջում Hagenow (Հագենով)[2]։ Քաղաքի անվանման բացատրությունն է՝ պարսպապատ մարգագետիններ։ Նույնիսկ առաջին հիշատակման ժամանակ Հագենովն ուներ ամրոց և եկեղեցի։ Քաղաքի ամենահին շենքը, որը դեռ կանգուն է՝ թվագրվում է 1720 թվականին։ Հագենովը որպես քաղաք անվանվում է 1370 թվականի պայմանագրերում, մինչ այդ դեռևս գյուղ էր։ Բայց հետագայում՝ 1520 թվականին կրկին որպես գյուղ է անվանվում[3]։ 1754 թվականին Հագենովի որպես քաղաք կարգավիճակը հաստատվել է քաղաքի պաշտոնական կանոնադրության հիման վրա[4]։ Երկրորդ համաշխարհային պատերազմի հետևանքով քաղաքն անցնում է Խորհրդային միությանը, իսկ 1949 թվականից մինչև 1990 թվականը՝ Գերմանիայի Դեմոկրատական Հանրապետության կազմում։ Այժմ Հագենովը հանդիսանում է Գերմանիայի Լյուդվիգսլուստ-Պարխիմ շրջանի քաղաքներից։
↑Ernst Eichler (Linguist)/Hans Walther (Onomastiker): Städtenamenbuch der DDR. VEB Bibliographisches Institut, Leipzig 1988, ISBN 3-323-00007-2
↑Georg Christian Friedrich Lisch: Die Kirche zu Hagenow und die Stadt Hagenow. 1855 (liberarius.de)
↑Ernst Eichler (Linguist)|Ernst Eichler und Werner Mühlmer: Die Namen der Städte in Mecklenburg-Vorpommern. Ingo Koch Verlag, Rostock 2002, ISBN 3-935319-23-1
Գերմանիա
