Դեղնավուն բյուրեղներ են։ Հալման ջերմաստիճանը 111 °C է, եռմանը՝ 345 °C։ Վատ է լուծվում ջրում, լավ՝ օրգանական լուծիչներում։ Ակրիդինի և նրա աղերի լուծույթներն ունեն համապատասխանաբար մանուշակագույն և կանաչ ֆլուորեսցենցում։
Ակրիդինը քիմիապես կայուն, շատ թույլ հիմնային նյութ է, հեշտությամբ մտնում է միացման, դժվարությամբ՝ տեղակալման ռեակցիաների մեջ։
Ստացվում է դիֆենիլամինից։ Մետաղների կոռոզիայի ինհիբիտոր Է։ Ակրիդինի որոշ ածանցյալներ կարևոր դեղանյութեր են (ակրիխին, ռիվանոլ) և արժեքավոր ներկանյութեր։
Химическая энциклопедия / Редкол.: Кнунянц И.Л. и др.. — М.: Советская энциклопедия, 1988. — Т. 1 (Абл-Дар). — 623 с.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 233)։
