Ebro
 Ebro w Saragosy | |
| ćeče přez | Španisku |
| žórło | Sierra del Cordel |
| wuliw | do Srjedźneho morja |
| dołhosć | 925 km |
| přestrjeń rěčiny | 83.093 km² |
Ebro ([ˈeβɾo]; katalansce Ebre [ˈeβɾə]) je wulka rěka w sewjerowuchodźe Španiskeje. Z dołhosću wot 925 km je wona po rěce Tajo druha najdlěša rěka Iberiskeje połkupy. Jeje rěčina ma přestrjeń wot něhdźe 83.000 km². W starowěku njeseše rěka łaćonske mjeno Iberus. Cyła połkupa bu po rěce pomjenowana.
Rěka wužórli so w Kantabriskich horinach we wjesce Fontibre (fontes iberis, „žórła Ebra“) we wysokosći wot 1600 m. Běži do wuchodneho směra přez regiony Kantabriska, Kastilska-Léon a La Rioja, hdźež so namaka znate winowe plahowanišćo Rioja. Potom přeběži Ebro awtonomne regiony Navarra, Aragoniska a Katalanska. Stolica Aragoniskeje je znate uniwersitne město Saragosa nad Ebrom. W južnokatalanskej prowincy Tarragona namaka so 300 km² wulki delta Ebra, kotryž steji wot lěta 1983 pod přirodoškitom. Mjez městomaj Amposta a Deltebre wuliwa so rěka do Srjedźneho morja.
Při přewažnje wot sewjerozapada do juhowuchoda běžacej rěce su natwarili tři rěčne zawěry k dobywanju energije za katalansku metropolu Barcelona.
Wobrazy
[wobdźěłać | žórłowy tekst wobdźěłać]-
Ebro w měsće Tortosa -
Horni běh rěki -
W delće Ebra
Wotkaz
[wobdźěłać | žórłowy tekst wobdźěłać]
Commons: Ebro – Zběrka wobrazow, widejow a awdiodatajow