Mersey, 45th jahaaj rahaa jisme girmitya logan ke India se Fiji lawa gais rahaa. Ii jahaaj 1,829 ton garrhu paal waala jahaaj (sailing ship) rahaa jiske lambai 270.7 feet, chaurrai 39.0 feet aur gahiarai 22.5 feet rahaa. Iske naam England ke ek naddi se aais hai. Iske Glasgow ke Charles Connell and Company, London ke C.A Hampton aur E. Bromehead khatir 1894 me banais rahaa. 1903 me iske Nourse line ke bech dewa gais rahaa aur ii compnay iske girmitya logan ke British Colonies me lae jaae khatir kaa me lawat rahaa. 13 June 1903 ke ii jahaaj 585 girmitya logan ke lae ke Fiji aais. 1908 me Mersey ke White Star Line ke becha gais rahaa jon ki iske ek cadet training ship ke kaaam me laais rahaa aur Australia chhe dafe aais. 1914 me ii pahila paal waala jaaj rahaa jisme radio lagawa gais rahaa aur ii pahile jahaaj rahaa jisme ek cadet ke appendicitis ke operation karaa gais rahaa. 1915 me, larrai ke kaaran, White Star Line traning scheme band kar ke ii jahaaj ke Norway ke ek company ke bech diis. Iske baad iske aur dafe becha gais aur iske naa ke badal ke pahile Transatlantic aur fir Dvergso rakkhaa gais. 1923 me iske scap kar dewa gais. (aur...)
Aap janta hai...
Ratu Cakobau
1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin.
1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa.
Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa.
Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa.
Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa.
Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa.
Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa.
Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa.
27 September - Comet C/2023 A3 (Tsuchinshan-ATLAS) pachchhim ke aasmaan me dekhae hae.
'
Aaj se sau saal pahile, 1925 me...
Ii saal, Fiji me 64,963 bigha jamiin me ganna boya gais rahaa, jisme se 33,679 bigha (52%) CSR bois rahaa, 4,446 bigha (7%) ke Goraa kisaan boy rahin, 6,905 bigha (10%), ke CSR ke asaami log boy rahin aur 19,933 bigha (31%) ke Hindustani contractors boy rahin.
Ii saal, Fiji me Hindustani ke birth rate 33.14 per thousand rahaa, jab ki Kaiviti ke birth rate of 32.29 per thousand rahaa, lekin Hindustani ke death rate 7.25 per thousand rahaa, jab ki Kaiviti death rate of 22.75 per thousand rahaa
Ii saal Fiji me khaali 174 Hindustani saadi ke register karaa gais rahaa, jab ki 857 Kaiviti saadi ke register karaa gais rahaa.
Saal ke end me, Fiji ke abaadi 169,667 rahaa, jisme se 88,431 Kaiviti rahin aur 68,136 Hindustani rahin. Iske matlab hae ki ii saal Fiji me 3,956 aur Kaiviti aur aur 7,502 aur Hindustani rahin agar iske April 1921 ke census se compare karaa jaae.
Britain ke sarkar ii nischay karis ki Fiji ke election common roll pe nai hoe sake, kaaheki ii Deed of Cession ke against rahii.
9 May – Fiji me ek typhoid ke epidemic faelaa, jisme tiin Goraa log ke maut bhais. Kuchh Hindustani log bhi aspataal me bharti rahin, lekin Kaiviti log pe koi asar nai rahaa. Indian Reform League,volunteer nurses ke provide karis rahaa.
9 July - Guru Dutt, Hindi film actor, ke janam Bangalore, India me bhais rahaa.
Naura (scientific naam: Helogale parvula), ek chhota gos khaae waala janwar hai. Iske English naam, mangoose, Marathi sabd, mangus, se aais hai. Naura, Asia, Africa aur Southern Europe ke native hai, lekin iske Caribbean aur Fiji me introduce karaa gais hai. Naura, kirwa, kekrra, earthworm, bustuina, saamp, murgi aur chuha khaae hai. Naura ke kuchh species jaharila saamp ke bhi maare sake hai