Clag (greie sheeanoil)

She yn greie sheeinoil bun-chooish y duillag shoh. My vel anaase ayd ayns keeall elley yn 'ockle shoh, lhaih Clag.

Y Clag Zygmunt ayns Kraków, y Pholynn.

Ta clag çheet er greie sheeanoil aashagh. Ta'n clag ny ghreie bwoallee. Dy mennick ta cluig nyn ghreieyn lesh cummey cappan follym as eh aavuilley traa t'eh bwoaillit. Foddee dy vel y greie bwoallee ny chroghag ta croghit çheusthie jeh'n chlag as eh enmyssit oabbyr, ny foddee dy vel y greie bwoallee ny woaillteen er lheh. Ta'n fockle clag çheet magh ass y fockle Celtish clagan ny clocca as y cheeal cheddin echey.

Ta cluig jeant ass meain dy mennick, agh foddee dy vel cluig veggey dy ve jeant ass crayee ny glonney. Ta cluig ry-gheddyn ayns dagh mooadys: veih cluig veggey son jesheenaghey dys cluig vooarey lheid as ad ta ry-akin ayns kialteenyn ta shiartanse dy hunnaghyn er thummid. She claggintys yn ennym ta currit er studeyrys cluig.