Masa molecular

A masa molecular é o número de veces que a molécula dun composto ou dun elemento pesa máis, ten máis masa, que un átomo que se toma como unidade. Calcúlase sumando todas as masas atómicas do elemento correspondente. O seu valor numérico coincide co da masa molar, pero expresado en unidades de masa atómica en lugar de gramos/mol. A masa molecular alude a unha soa molécula, a masa molar corresponde a un mol (N = 6,022·10²³) de moléculas.

Cálculo da masa molecular

A fórmula para calcular a masa molecular é a seguinte:

masa molecular = masa atómica de A * n.º de átomos de A + masa atómica de B * n.º de átomos de B + ...

incluíndo todos os átomos diferentes.

A masa molecular calcúlase sumando as masas atómicas dos elementos que compoñen a molécula. Así, no caso da auga: H₂O, a súa masa molecular é:

masa atómica do H: 1,00797 u, aproximadamente igual a (≈) 1 * n.º de átomos de H: 2 + masa atómica do O: 15,9994 u ≈ 16 * n.º de átomos de O: → 2 átomos de H x 1 átomo de O = 2 u + 16 u = 18 u.

Se as cifras decimais son maiores de 0,5, o número másico aproxímase á unidade enteira seguinte. Exemplo: o número másico do osíxeno é 15,9994 ≈ 16. É dicir, o número másico do O é 16.

Ao igual que a masa atómica, a masa molecular exprésase en unidades de masa atómica: Umas (u) ou daltons (Da), que son equivalentes. Os Da teñan a vantaxe de que se poden empregar para moléculas maiores ao aceptar un múltiplo, o quilodalton: kDa.

A masa molecular calcúlase facilmente sumando as masas atómicas. Por exemplo, a masa molecular do ácido sulfúrico:

H₂SO₄: H = 1,00797 Da; S = 32,065 Da; O = 15,9994 Da

H₂ = 2 x 1,00797 Da = 2,01594 Da

S = 1 x 32,065 Da = 32,065 Da

O₄ = 4 x 15,9994 Da = 63,9976 Da

Masa molecular = H₂ + S + O₄ = 2,01594 Da + 32,065 Da + 63,9976 Da = 98,07854 Da

Véxase tamén

Bibliografía

• International Union of Pure and Applied Chemistry (1980). "Atomic Weights of the Elements 1979" (PDF). Pure Appl. Chem. 52 (10): 2349–84. doi:10.1351/pac198052102349.
• Paul, Hiemenz C. e Lodge P. Timothy. Polymer Chemistry. 2ª ed. Boca Raton: CRC P, 2007. 336, 338–339.

Ligazóns externas

• Definição de massa atómica, massa molecular e mole.
• A Free Android application for molecular and reciprocal weight calculation of any chemical formula
• Stoichiometry Add-In for Microsoft Excel Arquivado 11 de maio de 2011 en Wayback Machine. for calculation of molecular weights, reaction coefficients and stoichiometry.