América Latina

América Latina

Países e dependencias
Arxentina Bolivia Brasil Chile Colombia Costa Rica Cuba Ecuador O Salvador Guadalupe Guatemala Güiana Francesa	Haití Honduras Martinica México Nicaragua Panamá Paraguai Perú Porto Rico República Dominicana Uruguai Venezuela

América Latina ou Latinoamérica, entidade territorial e sociocultural diferente a Hispanoamérica e Iberoamérica, constituída polo conxunto de países de América que foron antigas colonias de países europeos onde se falan as linguas romances, é dicir derivadas do latín, correspondentes ás actuais España, Portugal e Francia. O xentilicio que normalmente se emprega é latinoamericano.

O termo Latinoamérica foi introducido por primeira vez polo Imperio Francés de Napoleón III, durante a súa invasión de México, como forma de incluír a Francia entre os países con influencia en América e case exclusivamente coa fin de excluír ós anglosaxóns.

Nestes países obsérvanse moitas similitudes debido á súa longa historia en común por ser territorios coloniais de España e Portugal e, en menor medida, de Francia. Entre eles obsérvanse tamén variacións lingüísticas, étnicas, sociais, políticas, económicas e climáticas.

Economía

Os países agrúpanse en diferentes bloques comerciais:

• México forma parte do Tratado de Libre Comercio de América do Norte (en inglés, NAFTA) cos Estados Unidos e o Canadá.
• A Arxentina, o Brasil, Paraguai, o Uruguai e Venezuela forman parte do Mercado Común do Sur con Chile, Bolivia, o Perú e Colombia coma membros asociados.
• Bolivia, Colombia, Ecuador e o Perú forman parte da Comunidade Andina de Nacións.
• Chile, o Perú e México forman parte da APEC (Cooperación Económica Asia-Pacífico).
• México, Colombia e Venezuela formaban o Grupo dos 3 (G-3), ata o retiro de Venezuela do grupo o 22 de maio de 2006.
• Guatemala, Honduras e O Salvador forman o Triángulo do Norte Centroamericano.
• Cuba, Bolivia e Venezuela forman parte da ALBA.

Cultura

A cultura da América Latina ten coma principal característica ser a fusión de tres culturas bastante distintas entre si:

• A cultura aborixe ou indíxena
• A cultura europea, en catro ramas principais: a española, a portuguesa, a francesa e a inglesa.
• A cultura africana.

Idiomas

Como o seu nome indica, os idiomas oficiais dos países da América Latina (español, francés e portugués) son todos linguas romances. Así e todo, dentro destes territorios existen unha multitude doutras linguas orixinarias dos países latinoamericanos. Algunhas destas outras linguas son:

• Quechua
• Aimará
• Mapudungun
• Náhuatl
• Maia
• Guaraní