Derrick Caracter

Derrick Caracter

(2010)
Biografía
Nacemento	4 de maio de 1988 (36 anos) Fanwood, Estados Unidos de América (pt)
Educación	St. Patrick High School (en) Notre Dame Preparatory School (en) University of Louisville (en) Universidade de Texas en El Paso
Altura	206 cm
Peso	125 kg
Actividade
Ocupación	baloncestista
Período de actividade	2010 -
Nacionalidade deportiva	Estados Unidos de América
Deporte	baloncesto
Liga	NBA G League, Baloncesto masculino da División I da NCAA e National Basketball Association
Posición de xogo	Pivote
Número deportivo	23
Convocado por	Los Angeles Lakers
Traxectoria   Equipo 2006–2008 Louisville Cardinals 2009–2010 UTEP Miners men's basketball 2010–2012 Los Angeles Lakers 2011–2011 → cesión:  Motor City Cruise 2012–2012 → cesión:  South Bay Lakers 2012–2012 Rio Grande Valley Vipers 2012–2012 Salt Lake City Stars 2012–2012 Mets de Guaynabo 2012–2013 Bnei HaSharon 2013–2013 KK Pieno žvaigždės 2014–2014 Salt Lake City Stars 2014–2014 Basquetebol do Clube de Regatas do Flamengo 2015–2015 Yulon Dinos 2015–2015 Club Atlético Atenas (Montevidéu) 2015–2015 GlobalPort Batang Pier 2015–2016 Lakeland Magic 2016–2016 Hapoel Ramat Gan Givatayim B.C. 2016–2016 BC Prievidza 2016–2016 A.S. Ramat HaSharon 2017–2017 Atlético Echagüe Club 2018–2018 Capitanes de Arecibo

Derrick Caracter, nado o 4 de maio de 1988 en Fanwood, Nova Jersey, é un ex xogador profesional de baloncesto estadounidense. Mide 2,06 metros e xogaba nas posicións de ala-pivote e pivote.

Carreira

Instituto

A súa vida no instituto foi un continuo problema debido á súa indisciplina. Pasou por tres high school diferentes e nunca se interesou polos estudos. Probou a xogar ao fútbol americano e ao béisbol, pero pronto se deu conta de que a súa vida era o baloncesto. A súa actitude pareceu corrixirse cando chegou a Notre Dáme Preparatory School, pero academicamente continuou sendo un desastre.

Universidade

Tras acabar a súa etapa de instituto, tivo que consituar os seus estudos e a súa carreira deportiva na NCAA, xa que as normas da NBA non permiten dar o salto a profesionais sen pasar pola universidade, como era a súa pretensión. Chegou aos Cardinals da Universidade de Louisville en 2006, destino elixido por afinidades cun axudante de Rick Pitino, o seu adestrador. Chegou pasado de peso (145 quilos para os seus 2,06 metros de estatura), polo que o adestrador impúxolle un severo réxime e non lle permitiu xogar ata que alcanzase un peso óptimo. Na súa primeira tempada perdeuse 16 partidos por ese motivo, e fixo medias no resto 8,1 puntos e 3,9 rebotes.

Tras unha segunda tempada cos Cardinals onde non melloraron substancialmente as cousas, en 2008 foi transferido aos Miners da Universidade de Texas-El Paso, onde comezou a centrarse máis no seu traballo. Debido ás normas da NCAA tivo que pasarse un ano sen competir, e tras perderse os 5 primeiros partidos da tempada 2009-10, na súa segunda aparición cos Miners conseguiu o cuarto dobre-dobre da súa carreira, tras lograr tres en Louisville, anotando 15 puntos e capturando 15 rebotes ante Alcorn State. O seu partido máis completo da tempada disputouno ante a Universidade de Houston, conseguindo 22 puntos e 13 rebotes. Ao termo da tempada foi incluído no segundo mellor quinteto da Conference USA, e no primeiro equipo do distrito pola NABC.

Estatísticas

Tempada	Equipo	Partidos	Min.	%TC	%TL	Pts.	Reb.	Asts.	Rou.	Tap.	FP
2006-07	Louisville Cardinals	18	13,3	55,8	52,7	8,1	3,9	0,3	0,3	0,4	2,9
2007-08	Louisville Cardinals	35	16,9	55,2	63,0	8,3	4,5	0,5	0,6	0,9	3,1
2009-10	UTEP Miners	27	26,7	56,7	67,2	14,1	8,1	1,1	1	0,9	3,0

Profesional

Foi elixido na quincuaxésimo oitava posición do Draft da NBA de 2010 por Los Angeles Lakers, quen, tras verse sorprendidos pola súa grande actuación na liga de Verán de Las Vegas, onde liderou ao seu equipo con 15,4 puntos, 8,6 rebotes 1,4 tapóns e un 59% de acerto nos tiros de campo, fichárono para a tempada 2010-11.

O 7 de febreiro de 2012, foi cortado polos Lakers.

Máis tarde xogou en curtos períodos de tempo cos Bakersfield Jam, Rio Grande Valley Vipers e Idaho Stampede. O 22 de abril de 2012, asinou cos Mets de Guaynabo de Porto Rico, e debutou cos 17 puntos e 5 rebotes en 19 minutos de xogo.

Véxase tamén

Ligazóns externas

• Estatísticas en Basketball-Reference.com Arquivado 21 de outubro de 2021 en Wayback Machine. (en inglés)