Saltar ao contido

Bluesky

Na Galipedia, a Wikipedia en galego.
Bluesky
Logo
Tiporede social, comunidade en liña, plataforma de contido xerado polo usuario, rede social distribuída e proxecto
Data de fundación2021
Na rede
https://staging.bsky.app/ e https://bsky.app/
Twitter: bluesky Twitch: BlueskySocial GitHub: bluesky-social Editar o valor en Wikidata
[ editar datos en Wikidata ]

Bluesky (tamén abreviado como Bsky) é unha rede social de microblogging descentralizada.[1] A plataforma foi creada por Bluesky Social, unha entidade de utilidade pública con sede nos Estados Unidos,[2] como proba de concepto para o Protocolo AT, un protocolo de comunicacións para redes sociais descentralizadas. Jay Graber é a directora executiva da compañía e Jeremie Miller, creador de XMPP, está no consello de administración.

Unha característica central do servizo é o uso de nomes de dominio como identificadores. Os usuarios reciben un identificador de subdominio xenérico despois de rexistrarse (como @exemplo.bsky.social). Os identificadores co sufixo estándar *.bsky.social redirixen á páxina relevante do usuario cando se accede nun navegador. Despois de rexistrarse, os usuarios poden optar por verificar un dominio ou un subdominio.[3] Segundo o sitio web da compañía, o sistema foi deseñado para ser un método de verificación da lexitimidade e identidade do usuario, similar á verificación do URL da páxina para evitar ataques de phishing ou typosquatting.[4] Desde novembro de 2024 Bluesky está dispoñible en lingua galega.[5]

Descrición

[editar | editar a fonte]

Bluesky é unha iniciativa para desenvolver un protocolo de redes sociais descentralizado para que varias redes sociais, cada unha co seu propio sistema de moderación, poidan interactuar con outras redes sociais a través dun estándar aberto. Cada rede social que utiliza o protocolo é unha “aplicación”. O protocolo, hoxe chamado AT Protocol, non usa tecnoloxía blockchain.[6] [7]

Diagrama que mostra a arquitectura de federación de Bluesky e o protocolo AT.

O experimento de datos autenticados (Authenticated Data Experiment, ADX), a mediados de 2022, foi o primeiro lanzamento de protocolo inicial de Bluesky. Utiliza repositorios de datos persoais, controlados por usuarios individuais, que as redes sociais poden admitir opcionalmente. Preténdese permitir que os usuarios compartan mensaxes ou funcións de participación en redes sen afectar á moderación da rede doméstica do usuario, xa que os datos almacénanse no repositorio de datos persoais e as redes poden limitar as mensaxes permitidas.[8]

Diagrama de usuarios rexistrados até xullo de 2024.

Bluesky lanzou unha versión simplificada, chamada AT Protocol, en outubro de 2022, xunto coa documentación técnica.[9]

Historia

[editar | editar a fonte]

O ex CEO de Twitter, Jack Dorsey, anunciou por primeira vez a iniciativa Bluesky en 2019. O CTO da compañía (e posteriormente CEO), Parag Agrawal, foi o seu xerente,[10] inicialmente invitando aos membros do grupo de traballo a principios de 2020. O grupo ampliouse con representantes das xa existentes redes descentralizadas Mastodon e ActivityPub. O grupo foi coordinado a través do software de chat Element.

En 2021, Bluesky anunciou a Jay Graber, quen tiña a súa primeira experiencia na industria das redes sociais coa startup 'Happening', para se converter no novo líder do proxecto.[11]

En 2023, a rede social gañou seguidores principalmente de usuarios de X que estaban descontentos coa adquisición desa rede social polo empresario Elon Musk.[1] [12]

O 4 de maio de 2024, Jack Dorsey, cofundador de X, anunciou a súa renuncia ao consello de administración de Bluesky. Ao día seguinte, Bluesky confirmou oficialmente a súa saída da directiva.[13] [14] Declarou que a plataforma estaría "cometendo os mesmos erros" que X, e sinalou as críticas ás políticas de moderación e á eliminación de perfís que conteñan connotacións racistas.[15] [16]

O 30 de agosto de 2024, Bluesky gañou un millón de usuarios brasileiros e bateu récords de interaccións nos últimos tres días despois de que X fose bloqueado no Brasil.[17] Despois do aumento significativo de usuarios no país, o director xeral daquel momento, Jay Graber, destacou o desexo do seu equipo de facer da rede "un gran lugar para os brasileiros", e anunciou o desenvolvemento de recursos de vídeo e trending topics.[18] [19]

O 11 de setembro de 2024, Bluesky anunciou a implementación do soporte de vídeo na plataforma, en principio cun máximo de 60 segundos de duración.[20]

En novembro do mesmo ano, despois das eleccións presidenciais dos EUA gañadas por Donald Trump, o número de usuarios multiplicouse, superando os 16 millóns.[21]

Notas

[editar | editar a fonte]
  1. ↑ 1,0 1,1 TudoCelular.com (2023-04-19). "Bluesky para Android! Rede social criada por ex-CEO do Twitter chega em beta fechada na Play Store" (en portugués). Consultado o 2023-04-21. 
  2. ↑ "Divisão de Corporações - Arquivamento". Consultado o 9 de marzo de 2023. Nome da empresa: BLUESKY, PBLLC, Número do arquivo: 6282898, Estado de registro: Delaware (DE), Data de registro: 4 de outubro de 2021 
  3. ↑ Liu, Emily (28 de abril de 2023). "How to set your domain as your handle" (en inglés). Consultado o 2024-09-20. 
  4. ↑ "Our Plan for a Sustainably Open Social Network" (en inglés). 5 de julho de 2023. Consultado o 2024-09-20. 
  5. ↑ "A plataforma Bluesky xa está en galego". Nós Diario. 28 de novembro de 2024. 
  6. ↑ "AT Protocol" (en inglés). Consultado o 2024-09-18. 
  7. ↑ "FAQ" (en inglés). Consultado o 2024-09-18. 
  8. ↑ Robertson, Adi (2022-05-04). "Twitter’s decentralized, open-source offshoot just released its first code" (en inglés). Consultado o 2024-09-18. 
  9. ↑ "Twitter tinha um plano para corrigir a mídia social. Elon Musk o seguirá?" (en inglés). 2022-11-02. ISSN 1059-1028. Arquivado dende o orixinal o 30 de dezembro de 2022. Consultado o 22 de janeiro de 2023. 
  10. ↑ Robertson, Adi (2022-10-29). "Will Elon Musk keep funding Twitter’s most interesting side project?". The Verge (en inglés). Consultado o 2024-11-16. 
  11. ↑ "A Twitter-funded company trying to build a new kind of social media taps its first leader" (en inglés). 2021-08-16. Consultado o 2024-09-18. 
  12. ↑ "Twitter "à prova de Musk": Bluesky, rede social descentralizada, está disponível no Android" (en portugués). Consultado o 2023-04-21. 
  13. ↑ Ferreira, Tamires (2024-05-06). "Ex-dono do Twitter deixa conselho do Bluesky" (en portugués). Consultado o 2024-09-20. 
  14. ↑ "Jack Dorsey deixa conselho da plataforma Bluesky" (en portugués). 2024-05-07. Consultado o 2024-09-20. 
  15. ↑ "Jack Dorsey claims Bluesky is 'repeating all the mistakes' he made at Twitter" (en inglés). 2024-05-09. Consultado o 2024-09-20. 
  16. ↑ Pilato, Ana Julia (2024-05-10). "Após deixar a Bluesky, ex-dono do Twitter critica a rede social" (en portugués). Consultado o 2024-09-20. 
  17. ↑ "A rede social que conseguiu um milhão de usuários e bateu recordes de interações após bloqueio do X no Brasil | Tecnologia" (en portugués). 2024-08-31. Consultado o 2024-09-20. 
  18. ↑ "'Chegamos para ficar', diz Jay Graber, CEO da Bluesky" (en portugués). 2024-09-04. Consultado o 2024-09-20. 
  19. ↑ de Lira, Camila (2024-09-07). ""Queremos fazer daqui um ótimo lugar para os brasileiros", diz CEO do Bluesky" (en portugués). Consultado o 2024-09-20. 
  20. ↑ "Share video on Bluesky!" (en inglés). Consultado o 2024-09-19. 
  21. ↑ "Now you can watch Bluesky's explosive user growth in real time". ZDNET (en inglés). Consultado o 2024-11-16. 

Véxase tamén

[editar | editar a fonte]

Outros artigos

[editar | editar a fonte]
Este artigo tan só é un bosquexo
 Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.
Traído desde «https://gl.wikipedia.org/w/index.php?title=Bluesky&oldid=6899225»