Batumi

Batumi
	ბათუმი (ka)
	Bandeira
Localización
	41°38′45″N 41°38′30″L / 41.6458, 41.6417
Estado	Xeorxia
Subdivisões da Geórgia (pt)	Adjara
Capital de	Batumi Oblast (en) ; Adjara ; República Socialista Soviética Autônoma de Adjara (pt)
Poboación
Poboación	169.095 (2020) (2.605,47 hab./km²)
Xeografía
Superficie	64,9 km²
Bañado por	Mar Negro
Altitude	3 m
Organización política
Membro de	Aliança Climática (pt) (2013–)
Identificador descritivo
Código postal	6000–6099
Fuso horario	UTC+04:00
Prefixo telefónico	422
Outro
Irmandado con	Mykolaiv (pt) ; Río de Xaneiro ; Zibo ../... 35+
Sitio web	batumi.ge

Este artigo amosa letras xeorxianas. Sen o soporte axeitado, o texto pode mostrar símbolos sen sentido, coma caixas, marcas e outros.

Batumi (en xeorxiano: ბათუმი, tamén coñecido como Batum) é unha cidade costeira e capital da República Autónoma de Axaria, no sur de Xeorxia. Cunha poboación de 152 839 habitantes (2014), é a terceira cidade máis grande e unha das cidades portuarias e comerciais máis importantes de Xeorxia. Está situada nunha zona subtropical, rica en agricultura, cultivos de froitas cítricas e té. Mentres que as principais industrias da cidade son a construción naval, procesamento de alimentos e electricidade, a maioría da súa economía xira en torno ao turismo.

Historia

Historia pre-rusa

Batumi atópase no lugar da antiga colonia grega da Cólquida, chamada Bathus ou Bathis - que deriva da expresión grega bathus limen ou limin bathis, topónimo que significa porto de profundidade ou porto de augas profundas.

Batumi, como Xeorxia, estivo historicamente nas marxes de grandes imperios (persas, romanos, bizantinos, árabes, mongois, turcos e rusos), tamén vinculada ao reino armenio, e viviu como parte dun Estado unificado so unha fracción da súa existencia como nación.

Os turcos otománs a ocuparon por primeira vez durante a rexencia de Kakhaber II Vardanize de Guria (1469-1483), pero as súas forzas non se radicaron. En 1536 a conquistaron os otománs por segunda vez. Rustam Gurieli (1534-1564) recuperouna en 1564, pero os otománs regresaron pouco despois.

En 1877 tiña 5,000 habitantes e un activo porto comercial de escravos.

Imperio Ruso e URSS

En 1878, Batumi foi anexada polo Imperio ruso, de acordo co Tratado de San Stefano, entre o Imperio ruso e o Imperio Otomán (ratificado o 23 de marzo). Pola contra, de acordo cun secreto Convenio anglo-otomán de Chipre, os británicos ían a ser autorizados a ocupar Chipre. Dende 1878 e ata 1991, ano da independencia de Xeorxia, Batumi estivo o dominio ruso e soviético.

Con posterioridade, a cidade foi declarada porto libre ata 1886. Funcionou como un centro dun distrito militar especial ata que foi incorporada no Goberno de Kutaisi o 12 de xuño de 1883. Finalmente, o 1 de xuño de 1903, co Okrug de Artvin, estableceuse como a Rexión (óblast) de Batumi, baixo o control directo do Goberno Xeral de Xeorxia.

Ao final da primeira guerra mundial, co desmembramento do Imperio ruso con ocasión da Revolución Rusa, Batumi, como parte da República Democrática de Xeorxia, foi independente entre 1918 e 1921. O Exército Vermello ocupou o país, e a cidade caeu baixo dominio soviético.

Mediante o tratado entre Rusia e Turquía do 16 de marzo de 1921, as provincias de Kars e Ardahan volveron á nova República de Turquía, pero Batumi quedou totalmente baixo o control da nova Unión Soviética. Ao acceder ao poder os bolxeviques en Moscova, o 16 de xuño de 1921 converteuse na capital da República Socialista Soviética Autónoma de Axaria dentro da R.S.S. de Xeorxia.

O 9 de abril de 1991, pozo antes do colapso da Unión Soviética, Batumi -no marco da segunda República de Xeorxia- recuperou a independencia, como a república autónoma de Axaria, dentro de Xeorxia.

Clima

Datos climáticos para Batumi
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Temperatura máxima en °C	25	26	28	32	33	36	40	37	34	31	30	28	40
Media máxima en °C	10	11	12	16	19	23	26	26	23	19	16	12	17,8
Media diaria en °C	7	7	9	12	16	20	22	22	20	16	12	9	14,3
Media mínima en °C	4	4	5	9	13	17	19	19	16	13	9	6	11,2
Temperatura mínima en °C	−5	−6	−3	1	5	8	11	11	10	5	−1	−4	−6
Precipitación media mm	281	228	174	122	92	163	182	255	335	306	304	276	2 718
Media de horas de sol mensuais	99	105	126	148	199	235	214	223	201	176	125	107	1 958
Fonte #1: weatherbase.com^[1]
Fonte #2: ^[2]