Década de 1950

Segundo milenio

Século XX

1940   1950   1960

1950  · 1951  · 1952  · 1953  · 1954 1955  · 1956  · 1957  · 1958  · 1959

1950

Artigo principal: 1950.

• 13 de maio: comeza o primeiro Campionato do Mundo de Fórmula 1.
• 31 de maio: A Garda civil mata en Mandaio (Oza-Cesuras) ao guerrilleiro Samuel Mayo Méndez.
• 25 de xullo: fúndase a Editorial Galaxia, en Compostela.
• 5 de decembro: A Garda civil mata en Vixoi (Bergondo) ao guerrilleiro Jesús Valeiro Gómez e á súa compañeira María Amado Otero.
• 6 de decembro: accidente ferroviario preto da estación de Cecebre, na liña do correo Madrid–A Coruña entre A Coruña e Ferrol. Morreron cinco persoas e arredor de dez resultaron feridas.
• Henry Fonda casa, en decembro, con Susan Levine Blanchard.

1951

Artigo principal: 1951.

• 1 de xaneiro - Créase o Alto Comisionado das Nacións Unidas para os Refuxiados (ACNUR).
• 4 de xaneiro - Guerra de Corea, as forzas comunistas reconquistan a cidade coreana de Seúl.
• 5 de xaneiro - A Garda civil mata en Fontá (Fisteus, Curtis) ao guerrilleiro Emilio Pérez Vilariño.
• 18 de xullo - A Garda civil prende lume a unha casa do Tellado (Fene) na que estaban refuxiados os guerrilleiros Manuel Bastida Franco e Juan Gabeiras Barro que morreron abrasados.
• 30 de agosto - A Garda civil mata no Puntal (Neda) aos guerrilleiros Antonio Veiga Mejuto, José Antonio Castro López, José Sancho Riera e José Freire Barcia.
• 30 de outubro - Roberto Urdaneta ocupa a presidencia de Colombia.
• 1 de novembro - Soldados estadounidenses son expostos a unha explosión atómica no deserto de Nevada; a participación non foi voluntaria.
• 24 de decembro - Libia alcanza a independencia.

1952

Artigo principal: 1952.

• 10 de marzo: En Cuba, golpe de estado de Fulgencio Batista. Proclamouse presidente e suspendeu a constitución.
• 20 de maio: accidente ferroviario entre a estación de Padrón e a estación da Escravitude. O expreso de Madrid a Santiago de Compostela chocou cun convoi de doce vagóns cisterna cargados de gasolina que se desprenderon da cola dun tren de mercadorías que o precedía na marcha. A colisión provocou a explosión de dúas das cisternas e o incendio de parte destas e de varias unidades do expreso. Morreron doce persoas e numerosas resultaron feridas.
• 2 de xuño: A Garda civil mata en Visantoña (Mesía) aos guerrilleiros Manuel Ramiro Souto e José Galán Núñez.
• 1 de novembro: Os Estados Unidos detonan a primeira bomba de hidróxeno na illa Eniwetok, no atol das Illas Bikini.

Blanco-Amor nunha viaxe a Caracas, con Xosé Velo, Xoán Noya, Mariano Otero Castelao e Manuel Meilán. 1952.

1953

Artigo principal: 1953.

• 1 de xaneiro - Ponse en marcha o primeiro plan quinquenal na China.
• 22 de agosto - Creación das Mocedades Galeguistas en Buenos Aires.

• 10 de outubro - O guerrilleiro antifranquista Fermín Gutiérrez Lada, cercado pola Garda Civil, suicídase en Argozón (Chantada).
• 30 de decembro - Véndese a primeira televisión en cor nos Estados Unidos.

• Fúndase en Redondela o Club Deportivo Choco.

1954

Artigo principal: 1954.

• 7 de maio, Os franceses son derrotados en Dien Bien Phu (Indochina)
• 1 de novembro - Comeza a Guerra de Indepencia de Alxéria.
• 23 de decembro - Os doutores Joseph Murray e J. Hartwell Harrison realizan con éxito o primeiro transplante de órganos entre humanos.
• Primeira reunión do Club Bidelberg, nos Países Baixos.

1955

Artigo principal: 1955.

• 2 de xaneiro - José Antonio Remón, presidente de Panamá, é asasinado.
• 26 de febreiro - Accidente de tráfico en Cans, no que morren 31 dos 44 pasaxeiros dun autobús que ía do Porriño a Ponteareas.
• 12 de abril - É anunciada por Jonas Salk o descubrimento dunha vacina contra a poliomielite.
• 17 de abril - Imre Nagy dimite do cargo de primeiro ministro de Hungría.
• 18 a 24 de abril - Conferencia de Bandung.
• 4 de maio - No Reino Unido, Winston Churchill dimite (por razóns de idade) do seu cargo de Primeiro Ministro británico. Sucédeo no cargo Anthony Eden.
• 5 de maio - Alemaña Occidental convértese nun estado independente.
• 14 de maio - Oito países comunistas (URSS, Checoslovaquia, Alemaña Oriental, Albania, Bulgaria, Hungría, Romanía e Polonia) asinan o Pacto de Varsovia.
• 17 de xullo - É inaugurada a primeira Disneyland en Anaheim, California
• 15 de setembro - Publícase en París a novela Lolita, de Vladimir Nabokov.
• 16 de setembro - Na Arxentina, un golpe militar depón ao presidente constitucional Juan Domingo Perón.
• 19 de setembro - España ingresa na ONU.
• 26 de outubro - Ngo Dinh Diem proclama Vietnam do Sur unha república e eríxese como o seu primeiro presidente.
• 1 de decembro - Rosa Parks é arrestada nun autobús en Alabama, o que dá inicio ao Movemento polos Dereitos Civís nos Estados Unidos.

1956

Artigo principal: 1956.

Emigrantes galegos en Chimbote, Perú, en 1956.

• Álvaro Cunqueiro publica As crónicas do sochantre
• 1 de xaneiro: Sudán independízase do Reino Unido.
• 25 e 26 de xaneiro :Tropas de Finlandia reocupan Porkkala.
• 14 de febreiro: Nikita Khrushchev denuncia no XX Congreso do Partido Comunista da Unión Soviética (PCUS) ao réxime de Iosif Stalin por medio do chamado Discurso Segredo.
• 2 de marzo: Marrocos alcanza a independencia de Francia.
• 20 de marzo: Tunisia alcanza a independencia de Francia.
• 29 de marzo: o exministro László Rajk, executado en 1949, é rehabilitado.
• 7 de abril: finaliza o protectorado español de Marrocos ao recoñecer España a independencia de Marrocos.
• 19 de abril: a actriz estadounidense Grace Kelly casa co príncipe Rainiero III de Mónaco
• 23 de xuño: Gamal Abdel Nasser convértese no segundo presidente de Exipto.
• 4 de xullo: Imre Nagy é expulsado do Partido Comunista de Hungría.
• 15 de outubro: Fidel Castro e Che Guevara parten de Tuxpan, México, rumbo a Santiago de Cuba a bordo do Granma con 82 homes.
• 15 de outubro: o sacerdote Jesús Silva funda en Bemposta, Ourense, a Nación dos Muchachos.
• 23 de outubro: comeza a insurrección popular en Budapest.
• 29 de outubro: Israel invade a Península do Sinaí.
• 31 de outubro: o Reino Unido e Francia comezan a bombardear Exipto para forzar a reapertura do Canal de Suez.
• 1 de novembro: confiado no apoio occidental, Imre Nagy retira Hungría do Pacto de Varsovia.
• 4 de novembro: tropas do Pacto de Varsovia invaden Hungría.
• 7 de novembro: János Kádár anuncia a formación dun goberno revolucionario. Comeza unha ditadura comunista, dirixida por Kádár.
• 13 de novembro: fin da revolución húngara: centenas de húngaros son executados, 2000 son presos, e uns 200 000 refúxianse en Austria. Imre Nagy refúxiase na embaixada de Iugoslavia.
• 28 de decembro: accidente ferroviario entre a estación de Quereño (Rubiá) e a estación de Sobradelo (Carballeda de Valdeorras) ao descarrilar o expreso Madrid-A Coruña. Cinco persoas mortas e 49 feridas.

Ciencia e tecnoloxía

• Manuel Jalón Corominas crea unha empresa, en Zaragoza para fabricar as primeiras fregonas que ideara el mesmo.

1957

Artigo principal: 1957.

• 3 de xaneiro - A Empresa de Reloxos Hamilton crea o primeiro reloxo eléctrico.
• 25 de marzo - Asínase en Roma o tratado constitutivo da CEE e o tratado europeo da Enerxía Atómica.
• abril - Exipto reabre o Canal de Suez.
• 27 de xuño - A empresa automobilística SEAT pon á venda o SEAT 600.
• 4 de outubro - Lanzamento do primeiro satélite artificial por parte da Unión Soviética, chamado Sputnik, -literalmente- "compañeiro de viaxe".
• 3 de novembro - A cadela Laika é enviada ó espazo na nave Sputnik 2.
• 23 de novembro - Estala unha revolta armada en Ifni e interveñen as tropas españolas.
• Éxito do lanzamento do primeiro mísil intercontinental estadounidense.

1958

Artigo principal: 1958.

• O tenista Manuel Santana convértese en campión de España.
• Pelé gaña o seu primeiro mundial de fútbol con dezasete anos.
• Unha expedición neozelandesa, dirixida por Edmund Hillary, chega ó Polo Sur.
• Comeza a comercialización de cigarrillos con filtro para satisfacer as tendencias do mercado.
• En España, promúlgase a Lei de Principios do Movemento Nacional.
• Sae á venda o Chupa Chups.
• Fundación da NASA.
• 4 de xaneiro - O satélite artificial soviético Sputnik 1 desintégrase na atmosfera.
• 20 de xaneiro - Aparece a primeira banda deseñada de Mortadelo e Filemón, de Francisco Ibáñez.
• 6 de decembro - Lanzamento da sonda Pioneer 3, que fracasa no seu intento de achegarse á Lúa.
• 11 de decembro - O Alto Volta obtén o autogoberno.

1959

Artigo principal: 1959.

• 1 de xaneiro: Triunfa a revolución socialista en Cuba. O ditador Fulgencio Batista refúxiase nos Estados Unidos.
• 1 de xaneiro: Entra en vigor o Tratado de Roma, base da CEE.
• 3 de xaneiro: Alasca convértese no estado número 49 dos Estados Unidos.
• 16 de febreiro: Fidel Castro asume o cargo de primeiro ministro de Cuba
• 3 de marzo: Lanzamento da sonda Pioneer 4, a primeira nave estadounidense en entrar en órbita heliocéntrica.
• 9 de marzo: Preséntase á venda a boneca Barbie na Feira Internacional do Xoguete de Nova York.
• 29 de outubro: Aparece por primeira vez o personaxe Astérix, no primeiro número da revista Pilote.