Agnieszka Holland

Agnieszka Holland

(2017)
Biografía
Nacemento	28 de novembro de 1948 (76 anos) Varsovia, Polonia
Educación	Academia de Artes Performativas de Praga Stefan Batory Gymnasium and Lyceum (en) Escola de Cinema e Televisión da Academia de Artes Escénicas de Praga
Actividade
Ocupación	directora de cinema, escritora, director teatral, guionista, realizadora
Período de actividade	1973 -
Empregador	Brooklyn College
Membro de	Stefan Batory Foundation (en) Olga Tokarczuk Foundation (en) Polish Film Academy (en) Czech Film and Television Academy (en)
Participou en
1980	1980 Cannes Film Festival (en)
Obra
Obras destacables (1990) Europa Europa
Familia
Cónxuxe	Laco Adamík
Fillos	Katarzyna Adamik
Pais	Henryk Holland   e Irena Rybczyńska-Holland
Irmáns	Magdalena Łazarkiewicz
Premios
(2024)  Czech Medal of Merit (en)  Concedido por Petr Pavel (1 de xaneiro de 2021)  Medal of the President of Slovak Republic (en) (2021)  Czech Lion for Best Director (en) , premiado polo traballo Šarlatán (2017)  Silver Bear Jury Prize (en) , premiado polo traballo Pokot (pt) (1991)  Globo de Ouro á mellor película en lingua non inglesa  Order of Princess Olga, 3rd class (en)  Officer of the Order of Polonia Restituta (en)  Comendador con Estrela da Orde Polonia Restituta  Saint George medal (en)  Golden Medal for Merit to Culture (en)
Sinatura
Descrito pola fonte	Obálky knih, Records of persons of interest (en) Women film directors : an international bio-critical dictionary (en)

Agnieszka Holland

Pokot

Agnieszka Holland, nada en Varsovia o 28 de novembro de 1948, é unha directora de cinema e televisión polaca.

Moi recoñecida polas súas contribucións á nova vaga do cinema polaco, Agnieszka Holland está considerada como unha das máis prominentes cineastas polacas.

Traxectoria

Nada dunha parella de xornalistas, o seu pai Henryk Holland era xudeu e un prominente activista comunista que chegou a capitán do exército polaco. Pola contra, a súa nai era católica, mais Holland non foi criada en ningunha relixión. O pai de Holland perdera os seus proxenitores no ghetto durante o holocausto e pasou gran parte da súa vida adulta negando a súa orixe xudía. A nai de Holland participou no levantamento de Varsovia en 1944 como membro da resistencia e axudou a rescatar varios xudeus, motivo polo que recibiu unha medalla do Instituto Yad Vashem de Israel.

Ambos os proxenitores traballaron despois da guerra nun xornal local da cidade de Varsovia e debido a isto Holland sempre estivo en contacto con diversos temas políticos e sociais que afectaban a Polonia da época. Holland estivo moito tempo enferma cando era nena e pasou gran parte desa época escribindo, debuxando e dirixindo pequenas obras con outros nenos. Cando tiña once anos, os seus pais divorciáronse e a súa nai volveu casar cun xornalista xudeu, Stanislaw Brodski.

Holland graduouse na Academia de Cine e Televisión de Praga (FAMU) en 1971 e comezou a súa carreira como axudante de directores polacos como Krzysztof Zanussi (Illuminacja, 1973) e Andrzej Wajda, (Danton, 1982). O seu primeiro filme importante como directora foi Aktorzy Prowincjonalni (1978), unha crónica das tensas relacións entre os bastidores dunha pequena compañía de teatro que servía como metáfora da situación política polaca contemporánea. O filme gañou o premio internacional da crítica do Festival de Cannes (1980). Holland só dirixiu dous filmes máis en Polonia, Gorączka (1980) e Kobieta samotna (1981), antes de emigrar a Francia, en vésperas de que o xeneral Jaruzelski declarase o estado de sitio no país en decembro de 1981.

Holland foi candidata ao Oscar ao mellor filme en lingua non inglesa po Bittere Ernte (1985), unha produción alemá sobre a fuxida dunha muller xudía durante a segunda guerra mundial. Non obstante, o filme máis destacado da directora é Europa Europa (1991), baseado na biografía de Solomon Perel, un adolescente xudeu que fuxiu de Alemaña a Polonio logo da noite dos cristais rotos en 1938. Tralo inicio da segunda guerra mundial e a invasión de Polonia, Perel fuxiu ao sector polaco ocupado pola Unión Soviética. Ao ser posteriormente capturado polos alemáns durante a Operación Barbarroxa en 1941, conseguiu convencer un oficial alemán de que tamén era alemán e viuse enrolado nas Xuventudes Hitlerianas. O filme converteuse no filme alemán de máis éxito nos Estados Unidos, gañando o Globo de Ouro e logrando unha candidatura ao Oscar ao mellor guión adaptado.

Como amiga do escritor e director polaco Krzysztof Kieślowski, Holland colaborou no guión do seu filme Trois couleurs: Bleu. Como Kieślowski, Holland frecuentemente analiza temas relacionados coa fe no seu traballo. Nunha entrevista concedida en 1988, a directora afirmou que a pesar de que as mulleres eran importantes nos seus filmes, o feminismo non é o tema central da súa obra, e engadiu que cando facía os seus filmes en Polonia baixo o réxime comunista, dábase unha atmosfera de solidariedade interxenérica contra a censura.

Vida privada

A súa filla Kasia Adamik tamén é directora de cinema.

Filmografía

• Grzech Boga ("Jesus Christ's Sin", 1970)
• Wieczór u Abdona ("Evening at Abdon's", 1975)
• Obrazki z życia: dziewczyna i "Akwarius" ("Pictures from Life: A Girl and Aquarius", 1975)
• Niedzielne dzieci ("Sunday Children", 1977)
• Zdjęcia próbne ("Screen Tests", 1976)
• Coś za coś ("Something for Something", telefilme, 1977)
• Aktorzy prowincjonalni ("Provincial Actores", 1978)
• Gorączka ("Fever", 1980)
• Kobieta samotna ("A Lonely Woman", 1981)
• Postcards from Paris (telefilme, 1982)
• Interrogation (1982)
• Culture (documental, 1985)
• Bittere Ernte ("Angry Harvest", 1985)
• To Kill a Priest (1988)
• Europa Europa (1990)
• Olivier, Olivier (1992)
• The Secret Garden (1993)
• Red Wind (telefilme, 1994)
• Total Eclipse (1995)
• Washington Square (1997)
• The Third Miracle (1999)
• Shot in the Heart (2001)
• Golden Dreams (documental, 2001)
• Julie Walking Home (2002)
• Copying Beethoven (2005)
• The Wire
  • Episodio 3.08 "Moral Midgetry" (2004)
  • Episodio 4.08 "Corner Boys" (2006)
  • Episodio 5.05 "React Quotes" (2008)
• A Girl Like Me: The Gwen Araujo Story (2006)
• Ekipa (2007)
• Janosik. Prawdziwa historia (2009)
• The Killing
  • Episodio 1.06 "What You Have Left" (2011)
  • Episodio 1.09 "Undertow" (2011)
  • Episodio 2.01 "Reflections" (2012)
• Treme
  • Episodio 1.01 "Do You Know What It Means" (2010)
  • Episodio 1.10 "I'll Fly Away" (2010)
  • Episodio 2.10 "That's What Lovers Do" (2011)
  • Episodio 4.05 "...To Miss New Orleans" (2013)
• W ciemności ("In Darkness", 2011)
• Hořící keř ("Burning Bush", miniserie, 2013)
• Rosemary's Baby (2014)
• House of Cards
  • Episodio 3.10 "Chapter 36" (2015)
  • Episodio 3.11 "Chapter 37" (2015)
  • Episodio 5.10 "Chapter 62" (2017)
• Pokot (2017)

Véxase tamén

Bibliografía

• Quart, Barbara Koenig (1988). Women Directors: The Emergence of a New Cinema. Nova York: Praeger. ISBN 0-275-93477-2. 
• Agnieszka Niezgoda (conversas), Jacek Laskus (fotografía). Hollywood PL. Beyond The Dream: Personal Roads to The Silver Screen. (Varsovia, 2013) Wydawnictwo Hollywood PL. ISBN 978-83-932192-1-6
• Agnieszka Holland, "Viewing History through the Filmmaker's Lens," conferencia do 1 de decembro de 2013 na National Gallery of Art, Washington DC.

Ligazóns externas

• Entrevista con Holland sobre Kieslowski
• Agnieszka Holland en Culture.pl