Sagsainn

federated state of Germany
Cur air cois	10 dhen t-Samhain 1918
Ainm oifigeil	Freistaat Sachsen
Ainm dùthchasach	Freistaat Sachsen
Archives at	Saxony State Archives
Ainmichte às dèidh	Saxons
Neach bhon àite	Saščan, Saščanka
Mòr-roinn	An Roinn-Eòrpa
Dùthaich	A' Ghearmailt
Prìomh-bhaile	Dresden
Sgìre riaghaltais ionadail	A' Ghearmailt
Roinn-tìde	UTC+01:00, UTC+02:00
Domhan-leud is -fhad	51°1′37″N 13°21′32″E
Puing as àirde	Fichtelberg
Basic form of government	parliamentary republic
Oifis aig ceann an riaghaltais	Minister-President of Saxony
Ceannard an riaghaltais	Michael Kretschmer
Legislative body	Landtag of Saxony
Highest judicial authority	Constitutional Court of the Free State of Saxony
Ball de	IT Planning Council
Cruth laghail	Körperschaft des öffentlichen Rechts
A’ gabhail a-steach	Mitteldeutsche Flughafen AG
Na bha roimhe	Saxony
Na bh’ann roimhe	Dresden District, Karl-Marx-Stadt District, Leipzig District, Cottbus District
Language used	East Frisian Low Saxon, Upper Saxon, Sòrbais Uarach
Àireamh fóin	+49-351-5640
Email address	mailto:[email protected]
Làrach-lìn	https://www.sachsen.de/
Described at URL	http://id.worldcat.org/fast/1233658
Privacy policy URL	https://www.sachsen.de/datenschutz.html
Main regulatory text	Constitution of the Free State of Saxony
Bratach	flag of Saxony
Gearradh-arm	coat of arms of Saxony
History of topic	history of Saxony
List of monuments	Q13409562
Economy of topic	economy of Saxony
Contact page URL	https://www.sachsen.de/kontakt.html
Impressum URL	https://www.sachsen.de/impressum.html
Mastodon instance URL	https://social.sachsen.de
Roinn-seòrsa an deilbh	Category:Views of Saxony
Category for maps or plans	Category:Maps of Saxony

'S e saor-stàit Gearmailteach a tha ann an Sagsainn (Sachsen sa Ghearmailtis, Saxony sa Bheurla). Tha Dresden na phrìomh-bhaile.

Suidheachadh

Tha Sagsainn ann an earra-dheas na Gearmailt. Tha Brandenburg agus Sagsainn-Anhalt air taobh tuath dheth. Anns an iar tha Thüringen agus Bayern ann. Ann an ceann a deas Sagsainn tha an t-Seic agus tha a' Phòlainn san ear.

Na bailtean mòra

'S e Leipzig am baile as motha ann an Sagsainn. Tha e anns an iar-thuath Sagsainn. 'S e "Leipziger Messe" (Fhèill Leipzig) aon dhe na h-àiteachan-fèille as aosta air feadh an t-saoghail. Chaidh na togalaichean ath-nuadhachadh ann an 1996. An-diugh tha Leipzig cliùiteach m. e. airson an "Leipziger Buchmesse", (fèill leabhraichean Leipzig). Tha Radio MDR an seo cuideachd.

Tha Dresden na phrìomh-bhaile Shagsainn. 'S e cridhe poileataigeach agus cultarach a th' ann. Tha Chemnitz anns an ear agus Zwickau anns an earra-dheas cudthromach airson eaconomaidh. 'S e Plauen anns an iar-dheas am baile as motha anns an Vogtland. Tha Görlitz air taobh an iar an abhainn Neiße. An dèidh an Dàrna Cogaidh chaill iad an dàrna pàirt dhen bhaille air taobh an ear na h-aibhne don Phòlainn. An-diugh 's e Zgorzelec an t-ainm a th' air a' phàirt Phòlannach.

Chan eil Bautzen anns an earra-dheas uabhasach mòr, ach 's e prìomh-bhaile nan Sorbach a th’ ann.

Baile	Ceàrn	Àireamh-shluaigh 31 an Dùbhlachd 2000	Àireamh-shluaigh 31 an Dùbhlachd 2009	Atharrachadh ann an %
Leipzig	saor-baile	493.208	518.862	+5,20
Dresden	saor-baile	477.807	517.052	+8,21
Chemnitz	saor-baile	259.246	243.089	−6,23
Zwickau	Zwickau	103.008	94.340	−8,41
Plauen	Vogtlandkreis	71.543	66.412	−7,17
Görlitz	Görlitz	61.599	55.957	−9,16
Freiberg	Mittelsachsen	45.428	41.701	−8,20
Bautzen / Budyšin	Bautzen	43.353	40.740	−6,03
Freital	Sächsische Schweiz-Osterzgebirge	40.129	39.200	−2,32
Pirna	Sächsische Schweiz-Osterzgebirge	42.108	39.030	−7,31
Hoyerswerda / Wojerecy	Bautzen	50.203	38.218	−23,87
Riesa	Meißen	39.367	34.324	−12,81
Radebeul	Meißen	32.246	33.466	+3,78
Zittau	Görlitz	32.775	28.638	–12,62
Meißen	Meißen	29.398	27.693	−5,80

Cruinn-eòlas

Cruth na tìre

Tha cruth na tìre Shagsainn ag atharrachadh bhon thuath, far a bheil an dùthaich rèidh, gu deas, far a bheil na beanntan àrda ann.

Timcheall air Leipzig tha an Leipziger Tieflandbucht ann, roinn far a bheil an talamh glè thorrach. Anns an àm a dh’fhalbh bha mòran mèinnean-ghuail ann. Ach an uair sin chuireadh craobhan is lusan air ais air an àite agus cleachdar e mar àite cleasachd an-diugh.

Ri taobh an abhainn Elbe agus timcheall air Dresden tha an Dresdner Elbtal (Gleann Elbe Dresden) ann. Eadar 2004 is 2009 bha pàirt den ghleann Elbe na Làrach Dhualchas na Cruinne den UNESCO. Air sgàth 's gu bheil an t-sìde nas blàithe agus nas tiorma an-sin, tha fìon-liosan agus àiteachas measan an seo.

Taobh an ear-thuath Shagsainn tha an Niederlausitz le coilltean-feàrna, talamh-fraoch agus coilltean-giùthsach ann.

Ach tha an Oberlausitz air taobh an earra-dheas Shagsainn ioma-chruthach. Tha an Oberlausitzer Heide und Teichgebiet faisg air Bautzen a' gabhail a-steach roinnean le fraoich is lochan a tha cudromach do bhith-chruinne. Mar sin chaidh e a dhìonadh mar Ionad-dìon Nàdair leis an UNESCO ann an 1996. Ann am mheadhan an Oberlausitz tha cnocan beaga ann le talamh math airson àiteachas. Air àirde a deas tha an Lausitzer Bergland ann a tha a' gabhail a-steach an Zittauer Gebirge. Tha a' chuid as motha den talamh à clachan ghràineil.

Tha Sächsisches Mittelgebirge le cnocan beaga sgaoilte bhon iar gu ear Shagsainn. Air àird a deas na dùthcha tha beanntan mòra ann ris an canar: Vogtland le Elstergebirge, Erzgebirge, Elbsandsteingebirge agus Lausitzer Bergland leis an Zittauer Gebirge (bhon iar gu ear).

Beanntan

Tha Schneehübel (974 m) agus Schneckenstein (883 m) anns am Vogtland. 'S e Hoher Brand (805 m) a' bheinn as àirde anns an Elstergebirge. Anns an Erzgebirge tha am Fichtelberg (1215 m), an Eisenberg (1208 m), an Auersberg (1019 m) agus an Einsberg (1003 m) nas àirde na 1000 meatair. Tha an Großer Zschirnstein (562 m) anns an Elbsandsteingebirge. 'S e Lausche (793 m) a' bheinn as àirde anns an Zittauer Gebirge.

Aibhnichean

Seo cuid de na h-aibhnichean as cudromaiche, tha iad a' ruith gu tuath:

Elbe, an t-aona abhainn a tha math gu leòr airson bàtaichean mòra
Mulde
Weißeritz
Zschopau
Weiße Elster
Spree
Lausitzer Neiße, 's e an abhainn seo a' chrìoch eadar a' Ghearmailt agus a' Phòlainn.

Mion-chànain

Ann ann Sagsainn tha Sòrbais Uarach ga bruidhinn, gu h-àraidh eadar Bautzen (Budyšin), Kamenz (Kamjenc) agus Hoyerswerda (Wojerecy). Tha eadar 40,000 is 55,000 duine a' cleachdadh Sorbais Uarach mar phrìomh-chànain. 'S e Bautzen teis-meadhan nan Sorbach agus cridhe dhen bheatha chultarach. Tha mòran bhuidhnean an seo a tha ag obair gus a' chànain aca a shàbhaladh.

Tha inbhe thèarainte is oifigeil aig Sòrbais Uarach mar mhion-chànain anns a' Ghearmailt. ^[1]