Heideblaujurkje

heideblaujurkje
mantsje wyfke
taksonomy
ryk dieren (Animalia) stamme lidpoatigen (Arthropoda) klasse ynsekten (Insecta) skift flinters (Lepidoptera) famylje reachwjukflinters (Lycaenidae) skaai juwielblaujurkjes (Plebejus)
soarte
Plebejus argus
Linnaeus, 1758
IUCN-status: net bedrige

It heideblaujurkje (Plebeius argus) is in flintersoarte yn it skaai fan de juwielblaujurkjes (Plebejus).

Foarkommen

De flinter komt lokaal soms yn flinke oantallen foar. Se hâlde fan wiete heide. Se binne noch te finen op de Waadeilannen en de hege sângrûnen. It is in honkfêste soart.

Op de Nederlânske reade list stiet de flinter as gefoelich, mar ynternasjonaal komt er noch rûnom foar

Flinter

De wjuklingte is ûngefear 14 mm. Op de ûnderkant fan de efterwjuk sit in oranje bân mei swarte flekken. De flinter liket persys op it ûnechte heideblaujurkje (Plebejus idas). Om wis te wêzen fan de soarte moat in mantsje fongen en mei in lûp besjoen wurde.

Fleantiid

De flinter is fan begjin juny ôf oant ein augustus te sjen, foaral tusken 5 oant 25 july. It heideblaujurkje fleant yn ien en soms yn twa generaasjes.

Rûp

De rûp kin 15 mm lang wurde. It liif is gieleftich mei grien mar ek wol ljochtbrún. De rûp is hielendal bedutsen mei fine hierkes. De jonge rûpen ite allinnich de sêfte dielen fan de plant. It aaike oerwinteret, dat de rûp groeit foaral yn de foarsimmer as ek de heide bloeit. De rûp ferpopket him op de grûn. Dit ferpopkjen duorret likernôch in moanne.

De rûp fret skrobberheide.

Sjoch ek

• List fan flinters