Dûmnylyster

dûmnylyster
	; mantsje; wyfke
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	moskeftigen (Passeriformes)
famylje	lysterfûgels (Turdidae)
skaai	lysters (Turdus)
soarte
Turdus torquatus
	Linnaeus, 1758
	IUCN-status: net bedrige
ferspriedingsgebiet
	stânfûgel ; simmerfûgel wintergast; trochtrekker ;

De dûmnylyster of dominylyster (Turdus torquatus) is in 25 sm grutte fûgel út de famylje fan de Lysterfûgels. Hy is hielendal swart lykas de Klyster, mar dochs goed te ûnderskieden troch de brede wite bân op syn boarst, dêr't er ek syn namme oan te tankjen hat.

Oare Fryske nammen

De dûmnylyster wurdt yn it Frysk ek wol beneamd as beflyster, dominy, dominylyster, krânslyster as ringlyster.

Fersprieding

De dûmnylyster komt selden foar yn Nederlân, en dan allinnich op trochtocht. Dûmnylysters briede yn 'e bergen , yn it noarden yn Skotlân en Skandinaavje, en ek yn de Alpen. Winterdeis trekke de fûgels nei de lannen by de Middellânske See. Soms binne se yn de maitiid of yn de hjerst yn Nederlân te sjen, fral oan de kust, at se ûnderweis binne.

Fuortplanting

It nêst is, lykas by de measte Lysters, moai rûn en meast leech by de grûn yn 'e strûken. De 4-5 aaien wurde yn fjirtjin dagen útbret, wêrnei't de jongen ek noch fjirtjin dagen yn it nêst bliuwe.

Iten

De dûmnylyster yt meast wjirms, slakken en ynsekten. Yn de hjerst ite de fûgels in protte beien.

Sjoch ek

List fan fûgels