23. mars

23. mars er dagur 82 í árinum í gregorianska kalendaranum (dagur 83 um skotár er). 283 dagar eru eftir av árinum.

Hendingar

• 1839 - Fyrstu ferð ok verður brúkt sum stytting fyri "oll korrect" í Boston Morning Post.
• 1928 - Sluppin "Acorn" úr Klaksvík liggur við Ísland og fiskar, tá hon verður rakt av einum stórum sjógvi, sum ger, at sjógvur kemur niður í lugarið og fyllir ein karbiddunk, sum spreingist. Av spreingingini doyggja 6 mans beinan vegin, og ein sjeyndi doyr nakrar dagar seinri av brandsárum.

Føðingar

• 1703 - Cajsa Warg, svenskur høvundur, sum skrivaði eina kenda kókibók (d. 1769).
• 1749 - Pierre-Simon Laplace, franskur støddfrøðingur (d. 1827).
• 1887 - Juan Gris, spanskur málari (d. 1927)
• 1900 - Erich Fromm, týskur sálarfrøðingur (d. 1980)
• 1904 - Joan Crawford, amerikonsk sjónleikarinna (d. 1977)
• 1910 - Akira Kurosawa, japanskur filmsleikstjóri (d. 1998).
• 1912 - Wernher von Braun, týsk-amerikanskur slóðbrótari hjá rúmdarrakettum (d. 1977).
• 1929 - Roger Bannister, bretskur ítróttamaður, sum íðkaði frælsan ítrótt (d. 2018).
• 1931 - Viktor Kortsjnoj, russiskur stórmeistari í talvi (d. 2016).
• 1940 - James Caan, amerikanskur sjónleikari (d. 2022).
• 1953 - Chaka Khan, amerikonsk sangarinna.
• 1956 - José Manuel Barroso, portugisiskur politikari.
• 1970 - Gianni Infantino, sveisiskur løgfrøðingur og FIFA-forseti.
• 1976 - Chris Hoy, skotskur súkklari.
• 1983 - Mo Farah, bretskur ítróttamaður, sum íðkar frælsan ítrótt.
• 1988 - Jason Kenny, enskur súkklari.

Andlát

• 1842 - Stendhal, franskur rithøvundur (f. 1783).
• 1916 - Rasmus Christoffer Effersøe (f. 1857).
• 2011 - Elizabeth Taylor, ensk-amerikonsk sjónleikarinna (f. 1932).
• 2015 - Lee Kuan Yew, singaporskur politikari (f. 1923).
• 2022 - Madeleine Albright, fyrrverandi uttanríkisráðharri í USA (f. 1937)