Robert Doisneau

Robert Doisneau
	; Irudi gehiago
Bizitza
Jaiotza	Gentilly, 1912ko apirilaren 14a
Herrialdea	Frantzia
Heriotza	Montrouge, 1994ko apirilaren 1a (81 urte)
Hobiratze lekua	Cemetery of Raizeux (en)
Familia
Seme-alabak	ikusi Annette Doisneau (en) ; Francine Deroudille (en) ;
Hezkuntza
Heziketa	École Estienne (en)
Hizkuntzak	frantsesa
Irakaslea(k)	André Vigneau (mul)
Jarduerak
Jarduerak	argazkilaria, fotokazetaria eta litografoa
	Parte-hartzailea Postwar European Photography (en) ;
Lan nabarmenak	ikusi The Kiss at the Hôtel de Ville (en) ; Un Regard Oblique (en) ;
Jasotako sariak	ikusi Sobietar Batasuneko Estatuko Saria ;
	robert-doisneau.com

Robert Doisneau (Gentilly, 1912ko apirilaren 14a - Montrouge, 1994ko apirilaren 1a) frantses argazkilaria izan zen. Jende arruntaren erretratuetan erakusten duen argitasun eta maitasunarengatik ezaguna. Bere teknika Henri Cartier-Bressonen momentu erabakiorraren (decisive moment) antzekoa da, baina harenak baino maitagarritasun handiagoa transmititzen du. Darabilen umore zorrotzaren azpian bere irudien esanahi sakonena aurkitzen da, ikuslea ikusten ari denarekin bat egitera bultzatzen duena. Doisneauk arte grafiko eta grabatuko ikasketak egin zituen Parisko École Estiennen (1926-1929), eta industria- eta merkataritza-argazkilaritzan hasi zen gero. 1934tik 1939ra bitartean, Renault auto-konpainiarentzat lan egin zuen. Garai hartan Brassairen obrak eragin handia izan zuen berean. Bigarren Mundu Gerran faltsutze-lanak egin zituen Erresistentziarentzat. 1944ko Parisko askapenaz egin zituen argazkiak mundu osoan argitaratu ziren. Handik gutxira, Rapho agentziarentzat lanean hasi zen. Bere lanak egunkari eta aldizkari askotan argitaratu ziren, Vogue eta Life aldizkarietan, besteak beste. Aipagarria da, besteak beste, 1950eko bere argazkietako bat (bikote bat Parisko kale batean musuka), postal eta kartel askotan argitaratua: Le Baiser de l'hôtel de ville. 1947an Kodak saria jaso zuen, 1956an Niépce saria, eta 1983an Argazki Sari Nazionala. 1984an Ohorezko Legioaren Zaldun izendatu zuten.

Erreferentziak

Wikimedia Commonsen badira fitxategi gehiago, gai hau dutenak: Robert Doisneau

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q154599
Multimedia: Robert Doisneau / Q154599