Màrius Cabré i Esteve

Màrius Cabré i Esteve
	; Irudi gehiago
Bizitza
Jaiotza	Bartzelona, 1916ko urtarrilaren 6a
Herrialdea	Espainia
Heriotza	Bartzelona, 1990eko uztailaren 1a (74 urte)
Hezkuntza
Hizkuntzak	gaztelania; katalana
Jarduerak
Jarduerak	aktorea, toreatzailea eta telebista aurkezlea

Màrius Cabré i Esteve edo Mario Cabré artistikoki (Bartzelona, Espainia, 1916ko urtarrilaren 6a - Bartzelona, Espainia, 1990eko uztailaren 1a) espainiar toreatzaile eta antzezlea izan zen.

1942an sartu zen zezenketaren munduan, eta 1943an hartu zuen "alternatiba". 1960an erretiratu zen arte, Espainia eta Latinoamerikako zezen-plaza nagusietan ibili zen. 1951n Pandora and the Flying Dutchman filmean parte hartu zuen, Ava Gardnerekin batera, eta harekin izandako erlazioagatik oso ezagun egin zen pertsonaia ospetsuen maitasun kontuetako aldizkarietan. Toreatzeari utzi zionean, antzerki lan ugari egin zituen, Zorrillaren Don Juan Tenorio besteak beste. Zineman ere lan egin zuen, Pere Portabellaren No compteu amb els dits (1967) eta Nocturno 29 (1968) filmetan. 1980ko hamarkadan bihotzeko gaitz larri batek jo zuen, eta hainbat aldiz operatu behar izan zuten. Gaitz horrengatik hil zen 1990ean.

Zinema

1947. Oro y marfil. Zuzendaria: Gonzalo Delgrás.
1950. La mujer, el torero y el toro. Zuzendaria: Fernando Butragueño.
1951. Pandora y el holandés errante, James Mason eta Ava Gardnerekin. Zuzendaria: Albert Lewin
1951. Una cubana en España. Zuzendaria: Luis Bayón Herrera
1951. Tercio de quites. Zuzendaria: Emilio Gómez Muriel
1954. Noches andaluzas. Zuzendariak: Ricardo Blasco eta Maurice Cloche
1954. Siempre Carmen. Zuzendaria: Giuseppe Maria Scotese.
1954. Misión extravagante. Zuzendaria: Ricardo Gascón
1955. La novia. Zuzendaria: Alberto D'Aversa
1955. Los hampones. Zuzendaria: Alberto D'Aversa.
1955. Marta. Zuzendaria: Francisco Elías
1955. Noche de tormenta. Zuzendariak: Jaime de Mayora eta Marcel Jauniaux
1956. La doble mentira. Zuzendaria: Juan Sires
1957. El diablo de vacaciones. Zuzendaria: Ferruccio Cerio.
1963. Trampa mortal. Zuzendaria: Antonio Santillán
1967. No compteu amb els dits. Zuzendaria: Pere Portabella.
1968. Nocturno 29, Zuzendaria: Pere Portabella. Lucía Bosérekin.

1965, juliol. Història d'un mirall, jatorriz Cecília A. Màntuarena. Bartzelonako Romea Antzokian estreinatua.
Mar i cel, jatorriz Àngel Guimeràrena. Màrius Cabréren konpainia.
Terra baixa, jatorriz Àngel Guimeràrena. Màrius Cabréren konpainia.
El místic, jatorriz Santiago Rusiñolena. Màrius Cabréren konpainia.
Un marit baix de to, Joan Cumellasen moldaketa, Màrius Cabré eta Aladyrekin

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-09-12 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.