Kreatinina

Kreatinina
Formula kimikoa	C4H7N3O
SMILES kanonikoa	2D eredua
MolView	3D eredua
Konposizioa	Nitrogeno eta karbono
Mota	imidazole alkaloid (en) , konposatu heterozikliko, konposatu organiko, konposatu zikliko, imidazolidine (en) eta Amida
Tautomeroa	creatinine tautomer (en)
Ezaugarriak
Fusio-puntua	305 ℃
Masa molekularra	113,058911844 Da
Erabilera
Rola	metabolito
Arriskuak
NFPA 704	1 1 0
Identifikatzaileak
InChlKey	BTXYOFGSUFEOLA-UHFFFAOYSA-N
CAS zenbakia	60-27-5
ChemSpider	21640982
PubChem	26009888
Reaxys	112061
ChEMBL	CHEMBL65567
NBE zenbakia	1789
EC zenbakia	200-466-7
ECHA	100.000.424
CosIng	54178
MeSH	D003404
Human Metabolome Database	HMDB0000562
KEGG	D03600

Ez nahasi kreatinarekin.

Kreatinina molekula organiko nitrogenatua da, odolean eta gernuan dagoena. Kreatina molekularen eratorria da.

Kreatina gibelean sintetizatzen da, aminoazido batzuetatik abiatuta (glizina, arginina eta metionina). Giharretan pilatzen da, eta zeregin garrantzitsua betetzen du muskuluen behar energetikoak asetzeko. Giharretan metabolizatzen denean, kreatina kreatinina bihurtzen da. Giltzurrunek kreatinina iragazi eta gernuaren bidez kanporatzen dute.

Kreatininaren odol-kontzentrazioa txikia da, kreatinina gehiena iraizketa prozesuan gernuaren bidez kanporatzen baita. Odol-analisietan, kreatininaren maila giltzurrunen funtzionamenduarekin lotuta dago. Sendagileak giltzurrunen funtzionamendua ezagutu nahi duenean kreatininaren analisia eta neurketa aginduko du. Giltzurrunek iraizketa prozesua zuzen burutzen ez dutenean, odolean dagoen kreatinina maila igo egingo da, gernuaren bidez kreatinina gutxiago kanporatzen delako.

Odoleko kreatinina maila ere handitu egiten da giharretako hainbat patalogitan, giharrak kalteturik daudenean.

Maila normalak

Kreatininaren ohiko odoleko kontzentrazioak bitarte honetan daude: 0,7-1,3 mg/dl, gizonezkoen kasuan, eta 0,6-1,1 mg/dl emakumezkoen kasuan.

Emakumezkoek gizonezkoek baino maila txikiagoak dituzte, masa muskularra ere txikiagoa delako. Izan ere, masa muskularrak eragin handia du kreatininaren odol-kontzentrazioan: gizonezko kulturista batek 2 mg/dl kreatinina izan dezake giltzurrunetako akatsik izan gabe, eta 0,6 mg/dl duen emakume zahar batek -masa muskular txikia duenak- giltzurrun gaixotasuna eduki dezake.

Kanpo estekak

Datuak: Q426660
Multimedia: Creatinine / Q426660