Ipar Atlantikoko itsaslasterra

Ipar Atlantikoko itsaslasterra
Ipar Atlantikoko itsaslasterra
Mota	Itsaslaster
Geografia
Koordenatuak	55°N 25°W / 55°N 25°W
Honen parte da	North Atlantic Gyre (en)
Ur-gorputza	Ozeano Atlantikoa

Ipar Atlantikoko itsaslasterra^[1] Ozeano Atlantikoaren iparraldeko itsaslaster indartsu bat da, Golkoko itsaslasterraren jarraipen gisa ipar-mendebalderantz higitzen dena.

Irlandatik mendebalderantz, bi adarretan erdibitzen da; haietako bat hego-ekialderantz abiatzen da, eta, aurrerago, Kanarietako itsaslasterra sortzen du, Afrikako ipar-mendebaldetik igaro ondoren hego-mendebalderantz egiten duena. Beste adarrak iparralderantz jarraitzen du Europako ipar-mendebaldeko kostarekiko paraleloan. Adar horrek eragin nabarmena du kosta horretako tenperaturan eta kliman. Haren bi adar dira Norvegiako itsaslasterra eta Irminger itsaslasterra.

Golkoko itsaslasterraren jarraipentzat hartzen bada ere, badira aldeak. Golkoko itsaslasterra ozeanoaren barneko benetako ibaitzat har daiteke, inguratzen duen ozeanoko uretatik ondo definitua eta Mexikoko golkotik jotzen duten haizeek eta Mexikko golkoko tenperaturaren eta Atlantikoko tenperaturaren arteko aldeak eraginda. Ipar Atlantikoko itsaslasterra, berriz, ozeanoaren azalaren lekualdatze bat da, ur hotz eta gaziek Artikoan murgiltzean eragindako xurgapenaren ondorioz sortua.

Erreferentziak

↑ Euskaltzaindia. (2012-10-18). 172. araua: Itsaslasterren izenak, itsasgune batzuen izenak eta Antartikako toponimia. (Noiz kontsultatua: 2013-02-10).

Kanpo estekak

Datuak: Q211798

[Euskaltzaindia172.araua-1] Euskaltzaindia. (2012-10-18). 172. araua: Itsaslasterren izenak, itsasgune batzuen izenak eta Antartikako toponimia. (Noiz kontsultatua: 2013-02-10).

[1]