Grasshopper Club Zürich

Grasshopper Club Zürich
Sorrera	1886
Futbol zelaia	Letzigrund Stadion; edukiera: 25.000 lagun; inaugurazioa: 2007
Presidentea	Stephan Anliker
Entrenatzailea	Bruno Berner
Liga	Suitzako Super Liga
2023-24	11.a
Webgunea	www.gcz.ch

	Etxekoa

	Kanpokoa

Grasshopper Club Zürich Suitzako Zürich hiriko futbol taldea da, palmaresari dagokionez Suitzako talderik arrakastatsuena dena, izan ere 27 liga eta 19 kopa baititu. Europako txapelketetan urte askotan aritu izan den arren ez du titulurik lortu.

Historia

Grasshopper izenak ingelesez "matxinsalto" esan nahi du. Ez da ezagutzen izenaren arrazoia, baina ZÜrichen bizi zen Tom Griffith ikasle ingelesak sortu zuen 1886ko irailaren 1ean Manchesterreko Unibertsitateko lagun batzuekin batera. Garai hartan Ingalaterrako talde arrakastatsuena zen Blackburn Rovers taldearen kamiseta hartu zuten eta ordutik ez da aldatu.

1893an Alemaniako ligan jokatzen hasi zen, hori egiten zuen aurreneko talde suitzarra izan zen. 1897an Suitzako liga antolatu zen eta aurreneko ekitaldia (1897-98) Grasshopperrek irabazi zuen. 1920. hamarkadan Dori Kürschner entrenatzaile hungariarrarekin eta 1930. hamarkadan Karl Rappan austriarrarekin Suitzako talde nagusia izan zen.

Bigarren Mundu Gerra garaian Suitza herrialde neutrala izan zen eta ligak aurrera jarraitu zuen. Bost urte horietan Grasshopperrek hiru liga eta bost kopa irabazi zituen. 1949an aurrenekoz mailaz jeitsi zen baina baina bi urte ondoren itzuli eta 1952 eta 1956an Liga eta Kopa eskuratu zituen. Ondoren ordea titulurik gabeko garaia iritsi zitzaion. 1980 eta 1990. hamarkadak ere oso onak izan ziren.

1998, 2001 eta 2003ko ligak irabazi ondoren XXI. mendea ere oparoa izango zuela pentsatzen zen baina FC Baselen garaia iritsi zen. 2019an maila galdu zuen baina hurrengo urtean 2. mailako txapeldun izan eta Superligara itzuli zen.

Uniformea





2017-2018





2018-2020





2020-2021





2021-2022





2022-2023

Palmaresa

Suitzan: 49

Suitzako Super Liga (27): 1898, 1900, 1901, 1905, 1921, 1927, 1928, 1931, 1937, 1939, 1942, 1943, 1945, 1952, 1956, 1971, 1978, 1982, 1983, 1984, 1990, 1991, 1995, 1996, 1998, 2001, 2003
Suitzako Kopa (19): 1926, 1927, 1932, 1934, 1937, 1938, 1940, 1941, 1942, 1943, 1946, 1952, 1956, 1983, 1988, 1989, 1990, 1994, 2013
Suitzako Ligaren Kopa (2): 1973, 1975
Suitzako Superkopa (1): 1989