Eragingailu
Eragingailua edo eragintza-sistema mekanismo edo sistema bat mugitzeaz eta kontrolatzeaz arduratzen den makina baten osagaia da, adibidez balbula bat irekitzea. Termino sinpleetan, "mugitzailea" da.
Eragingailu batek kontrol-seinale bat eta energia iturri bat behar ditu. Kontrol-seinalea nahiko energia baxua da eta tentsio edo korronte elektrikoa, pneumatikoa edo fluido hidraulikoaren presioa edo giza indarra izan daiteke. Bere energia-iturri nagusia korronte elektrikoa, presio hidraulikoa edo presio pneumatikoa izan daiteke. Kontrol-seinale bat jasotzen duenean, eragingailu batek iturriaren energia mugimendu mekaniko bihurtuz erantzuten du. Zentzu elektriko, hidrauliko eta pneumatikoan, automatizazio edo kontrol automatiko modu bat da.
Eragingailu bat kontrol-sistema batek eragiketa edo zeregin bat burutzeko jarduten duen mekanismoa da. Kontrol-sistema sinplea izan daiteke (sistema mekaniko edo elektroniko finkoa), softwarean oinarritutakoa (adibidez, inprimagailu-kontrolatzaile bat, roboten kontrol-sistema), gizakia edo beste edozein sarrera. [1]
Historia
[aldatu | aldatu iturburu kodea]Eragingailu pneumatikoko sistemaren eta eregingailu hidraulikoaren sistemaren historia Bigarren Mundu Gerraren garaikoa da (1938). Xhiter Anckeleman-ek [2] sortu zuen lehenengoz, motorretan eta balazta-sistemen ezagutza erabili zuen auto baten balaztak ahalik eta higadurarik txikienarekin indar handiena ateratzeko irtenbide berri bat lortzeko.
