Edukira joan

Emma Lucy Braun

Wikipedia, Entziklopedia askea

 

Emma Lucy Braun

lehendakari

1950 - 1950
Bizitza
JaiotzaCincinnati, 1889ko apirilaren 19a
Herrialdea Ameriketako Estatu Batuak
BizilekuaAmeriketako Estatu Batuak
HeriotzaMount Washington (en) Itzuli, 1971ko martxoaren 5a (81 urte)
Hobiratze lekuaSpring Grove Cemetery (en) Itzuli
Familia
Haurrideak
Hezkuntza
HeziketaUniversity of Cincinnati (en) Itzuli 1914) Doktoretza
Jarduerak
Jarduerakbotanikaria, plant ecologist (en) Itzuli eta landare biltzailea
Enplegatzailea(k)University of Cincinnati (en) Itzuli
Lan nabarmenak
Jasotako sariak
KidetzaEcological Society of America (en) Itzuli
Find a Grave: 25893259 Edit the value on Wikidata


Emma Lucy Braun (Cincinnati, 1889ko apirilaren 19a – Mount Washington, 1971ko martxoaren 5a) estatubatuar botanikaria, ekologoa eta AEBetako ekialdeko basoetan aditua izan zen. Ecological Society of America-ko presidente hautatu zuten lehen emakumea izan zen, 1950ean.[1][2]

Biografia

[aldatu | aldatu iturburu kodea]

Lucy Braun Cincinnatin jaio zen, Ohion, eta, leku batetik bestera ibili bazen ere, han geratu zen bizitza osoan. Ikasle bezala hasi zen eta geroago Cincinnatiko Unibertsitatean irakasle izan zen. Unibertsitate horretan graduatu zen 1910ean, Geologian masterra lortu zuen 1912an, eta Botanikan doktoratu 1914an.[3] Zientzia hori eta geologia unibertsitate berean irakatsi zituen, oposizioak eginez eta 1923an botanikako irakasle laguntzaile kargua eta 1946an irakasle arrunt kargua lortuz.[4][1][2]

Lucy ezkongabe egon zen, eta bere ahizpa Annette Frances Braun entomologoarekin bizi izan zen bizitza osoan.[3]

Ikerketak

[aldatu | aldatu iturburu kodea]

Bere ibilbidean, Lucy Braunek hogei aldizkari baino gehiagotan argitaratutako lau liburu eta 180 artikulu idatzi zituen.[1][3] Braun oso ezaguna egin zen Deciduous Forests of Eastern North America (1950) bere landa-testuagatik. Francis Fosberg-ek bere liburuari buruz esan zuen "bakarrik esan daiteke behin betiko lana dela, eta Amerikako ekologian edo landaredi zientzian inoiz edo gutxitan lortutako bikaintasun mailara iritsi dela".[3] Liburua landare baskularren floristikari eta baso hostozabalen landare-komunitate ezberdinen osaerari buruzko ikerketen gailurra izan zen, Ohio hegoaldeko glaziazio eta glaziazio gabeko eskualdeen ikerketekin hasitakoa.[1]

Lucy Braunek bere karreraren zati handi bat landareak bere ingurunera nola egokitzen ziren aztertzen eman zuen. Ekologiak oso goiz liluratu zuen, eta basoetara bideratu zuen bere ikerketa. Bere bizitza profesionala behaketei eta aurkikuntzei buruz idaztera bideratzeaz gain, aldi berean, natur eremuak babesteko eta kontserbatzeko hainbat kanpaina bultzatzen saiatu zen.[5]

Landare-ekologiaren eta taxonomiaren edo landareen sailkapenaren esparruan egindako ekarpenak oso nabarmenak eta baliotsuak izan ziren. Braunek lau espezie eta lau landare baskular barietate deskribatu zituen zientziarako berritzat, baita iratze hibrido bat ere. Era berean, bere ahaleginak aniztasun biologikoaren kontserbazioaren aldeko borrokaren abangoardian eta aniztasun hori ez galtzeko baliabide erabilgarrien diseinuan egon ziren.[5]

Ageratina luciae

Argitalpen batzuk

[aldatu | aldatu iturburu kodea]
  • 1943. An Annotated Catálogo of the Spermatophytes of Kentucky
  • 1961. The woody plants of Ohio: Trees, shrubs & woody climbers: native, naturalised & escaped (Ohioko flora baskularra). Arg. Ohio State University Press. 362 pp.
  • 1967. The Monocotyledoneae: Cat-tails to Orchids
  • 1969. Woody Plants of Ohio. Arg. Macmillan Pub. Co. 362 pp. ISBN 0-02-841890-5
  • 1970. Deciduous Forests of Eastern North America. Ed. Hafner Press. 596 pp. ISBN 0-02-841910-3

Sariak eta aintzatespenak

[aldatu | aldatu iturburu kodea]
Wright-Braun familiaren monumentua, Spring Grove hilerrian, Cincinnati, Ohio.
E. Lucy Braun hilobi-markagailua, Spring Grove hilerrian, Cincinnati, Ohio
  • Lucy Braunek landare zientzien arloan Guggenheim bekak jaso zituen 1943 eta 1944an.[6]
  • 1950ean Ecological Society of America-ko presidente hautatu zuten, eta lehen emakumea izan zen postu horretan.[1][7][2]
  • Ekologian Bikaintasunerako E. Lucy Braun saria ikasle bati ematen zaio Elkartearen urteko bileran.
  • Ohioko Zientzia Akademiako presidentea izan zen 1933tik 1934ra,[2] eta Ohioko Conservation Hall of Fame-n sartu zuten 1971n, berriro ere lehen emakumea bi kasuetan.[1]
  • 1952an, Cranbrook Institute of Science-k botanikako Mary Soper Pope Memorial Award saria eman zion.[1]
  • 1956an, Meritu Ziurtagiria eman zion Botanical Society of America-k, eta 1961ean Amerikako 69 botanikari ospetsuetako bat izendatu zuen Elkarteak.[1][3]
  • 1966an, Braunek Eloise Payne Luquer domina jaso zuen botanikan izan zituen lorpen bereziengatik Garden Club of America-ren eskutik.[1]
  • Lau landareren izenetan gogoratzen da, Ageratina luciae-brauniae, Erigeron pulchellus var. brauniae, Silphium terebinthinaceum var. luciae-brauniae, eta Viola x brauniae,[1] eta liken bat, Rinodina brauniana.[8]

Erreferentziak

[aldatu | aldatu iturburu kodea]
  1. ↑ a b c d e f g h i j (Ingelesez) Grinstein, Louise S.; Biermann, Carol A.; Rose, Rose K.. (1997-07-16). Women in the Biological Sciences: A Biobibliographic Sourcebook. Bloomsbury Academic ISBN 978-0-313-29180-7. (Noiz kontsultatua: 2024-11-30).
  2. ↑ a b c d (Gaztelaniaz) Stadler, Marta Macho. (2017-04-19). «Emma Lucy Braun, botánica» Mujeres con ciencia (Noiz kontsultatua: 2024-12-02).
  3. ↑ a b c d e (Gaztelaniaz) Stadler, Marta Macho. (2022-10-26). «Emma Lucy Braun, precursora de la ecología forestal» Mujeres con ciencia (Noiz kontsultatua: 2024-12-02).
  4. ↑ (Ingelesez) Gill, Jacquelyn. (2011-10-07). «Happy Ada Lovelace Day! Honoring Eminent Ecologist E. Lucy Braun» The Contemplative Mammoth (Noiz kontsultatua: 2024-11-30).
  5. ↑ a b (Gaztelaniaz) Stadler, Marta Macho. (2022-10-26). «Emma Lucy Braun, precursora de la ecología forestal» Mujeres con ciencia (Noiz kontsultatua: 2024-11-30).
  6. ↑ (Ingelesez) E. Lucy Braun – John Simon Guggenheim Memorial Foundation…. (Noiz kontsultatua: 2024-11-30).
  7. ↑ «ESA - About ESA > Awards» web.archive.org 2008-09-15 (Noiz kontsultatua: 2024-11-30).
  8. ↑ Lendemer, James C.; Hoffman, Jordan R.; Sheard, John W.. (2019-03-07). «Rinodina brauniana (Physciaceae, Teloschistales), a new species with pseudoisidia from the southern Appalachian Mountains of eastern North America» The Bryologist 122 (1): 111.  doi:10.1639/0007-2745-122.1.111. ISSN 0007-2745. (Noiz kontsultatua: 2024-12-02).

Kanpo estekak

[aldatu | aldatu iturburu kodea]
Wikimedia Commonsen badira fitxategi gehiago, gai hau dutenak: Emma Lucy Braun Aldatu lotura Wikidatan
Wikispezieetan bada informazioa gehiago, gai hau dela eta: Emma Lucy Braun
"https://eu.wikipedia.org/w/index.php?title=Emma_Lucy_Braun&oldid=9988312"(e)tik eskuratuta