Burtzeñako zubia (margolana)

Burtzeñako zubia
Jatorria
Sortzailea(k)	Aurelio Arteta
Sorrera-urtea	1926
Ezaugarriak
Egile-eskubideak	jabetza publiko
Kokapena
Lekua	Bilboko Arte Ederren Museoa
Bilduma	Bilboko Arte Ederren Museoa
Inbentarioa	82/162

Artikulu hau margolanari buruzkoa da; zubia gaitzat duena beste hau da: «Pablo Alzola jaunaren burdinazko zubia»

Burtzeñako zubia (gaztelaniaz: El puente de Burceña) 1926. urtearen inguruan Aurelio Artetak egindako margolan ezaguna da. ^[1] Lan hau Artetaren interes sozialetan kokatu dezakegu. Irudia melankolia handikoa da, ziur aski festa egun baten isla langile-auzategi batean.

Deskribapena

Konposizioa zubiaren burdinazko egiturak erakusten duen erronbo batez markoztatuta dago. Irudiek itxura geometrikoak dituzte, kubismoaren gustukoak nolabait. Koloreek, bestetik, garrantzi handia dute, oso gama zabalean erabiliak baitaude: batzuk nahiko hotzak, grisak eta urdinak, bestetzuk beroak, gorriak eta marroiak. Perspektibak ere garrantzi handia du, lanari sakontasunaren sentsazioa emanik.

Burtzeñako zubia Barakaldo eta Bilbo artean dago, Cadagua ibaiaren gainean. Atzean, langile-etxeak ikusten dira eta lantegi baten tximinia. Paisaia horretan elementu askok melankolia azaltzen dute: pobretasuna nabarmena da, kutsadura... Ikusten den pertsona abailduta ematen du. Izadia paisaiatik baztertuta dago: ibaiak ur horiak erakusten ditu eta ez da begetaziorik ikusten.^[2] Zaldi bat eta bere zalduna dira paisaia hil horretan salbuespenak.

Erreferentziak

Kanpo estekak

Datuak: Q31188955

[1] ttps://web.archive.org/web/20160922193603/https://www.museobilbao.com/catalogo-online/el-puente-de-burcena-82162

[2] ttp://aldapetarte.blogspot.com/2013/08/el-puente-de-burcena.html

[1]

[2]