Brett Whiteley

Brett Whiteley
Bizitza
Jaiotza	Sydney, 1939ko apirilaren 7a
Herrialdea	Australia
Heriotza	Wollongong, 1992ko ekainaren 15a (53 urte)
Heriotza modua	: droga-gaindosia
Familia
Ezkontidea(k)	Wendy Whiteley (en)
Seme-alabak	ikusi Arkie Whiteley;
Hezkuntza
Heziketa	The Scots College (en) ; Chatswood Public School (en) ; National Art School (en)
Hizkuntzak	ingelesa
Jarduerak
Jarduerak	margolaria, marrazkilaria eta artista
	Parte-hartzailea Documenta III (en) ;
Jasotako sariak	ikusi Archibald Prize (1978) : Art, Life and the other thing (en) ; Wynne Prize (1978) : Summer at Carcoar (en) ; Archibald Prize (1976) : Self portrait in the studio (en) ; Wynne Prize (1977) ;

Brett Whiteley (Sydney, Australia, 1939ko apirilaren 7a - 1992ko ekainaren 15a) australiar pintorea izan zen.

Biografia

Pintura-ikasketak egin zituen eta 1960an diru-laguntza lortu zuen, ikasketak sakontzera Frantzia eta Ingalaterrara joateko.

1961ean UNESCOk antolatutako Parisko Pintore Gazteen Bileran Australiaren ordezkari izateko hautatu zuten, eta urte horretan bertan sari bat irabazi zuen Parisko Artista Gazteentzako Nazioarteko Bi Urtekoan, ospe handia eman ziona.

1960ko ondoko urteetan bakarkako zein taldekako erakusketak egin zituen, Londresko Whitechapel eta Marlborough galerietan, besteak beste. Gero Estatu Batuetan eta Asian izan zen, eta hirurogeita hamarreko hamarraldian Australiako pintore ospetsuena bihurtu zen.

Whiteleyren obrak, indartsua eta sutsua, erretratuetatik paisaietaraino hartzen ditu. Haren koadro nagusien artean XIX. mendeko artista eta idazleen erretratuak nabarmentzen dira -Baudelaire (1970), Van Gogh (1971)-, Sydneyko badiaren margolan harrigarriekin batera.

Sari asko irabazi zituen eta Australiako museoetan eta atzerriko bildumetan jarri zituen bere koadroak erakusgai.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q176409
Multimedia: Brett Whiteley / Q176409