Ben Affleck

Ben Affleck
	; (2017) Irudi gehiago
Bizitza
Jaiotzako izen-deiturak	Benjamin Geza Affleck
Jaiotza	Berkeley, 1972ko abuztuaren 15a (52 urte)
Herrialdea	Ameriketako Estatu Batuak
Bizilekua	Los Angeles
Lehen hizkuntza	ingelesa
Familia
Aita	Timothy Byers Affleck
Ama	Christine Anne Boldt
Ezkontidea(k)	Jennifer Garner (2005eko ekainaren 29a - 2018ko urria); Jennifer Lopez (2022ko uztailaren 16a - 2024)
Bikotekidea(k)	ikusi Gwyneth Paltrow; Jennifer Garner; Ana de Armas; Lindsay Shookus (en) ; Shauna Sexton (en) ; Jennifer Lopez;
Seme-alabak	ikusi Violet Affleck; Seraphina Affleck; Sam Affleck (en) ;
Haurrideak	ikusi Casey Affleck;
Familia	ikusi Summer Phoenix (ezkonahizpa);
Hezkuntza
Heziketa	Occidental College (en) ; University of Vermont (en) ; Cambridge Rindge and Latin School (en)
Hizkuntzak	ingelesa; gaztelania
Jarduerak
Jarduerak	aktorea, gidoilaria, film-zuzendaria, zinema ekoizlea, telebista-aktorea, zinema aktorea, poker jokalaria, idazlea, ahots-aktorea, ekoizle exekutiboa, ekoizlea eta telebista-ekoizlea
	Parte-hartzailea Ice Bucket Challenge ;
Altuera	192 zentimetro
Jasotako sariak	ikusi Directors Guild of America Award ; Jatorrizko gidoi onenaren Oscar Saria (1998) : Good Will Hunting; Film onenaren Oscar Saria (2011) : Argo; Golden Globe Award for Best Screenplay (1998) : Good Will Hunting; Volpi Cup for Best Actor (2006) : Hollywoodland; César Sariak ; BAFTA Award for Best Direction ; Aktoreen Sindikatuaren Sariak (1998) ; Saturn Award ;
Kidetza	Writers Guild of America, West (en)
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata

Benjamin Géza Affleck-Boldt, ezagunagoa Ben Affleck izenez (1972ko abuztuaren 15a, Kalifornia) estatubatuar aktore, zinema zuzendari, gidoigile eta zinema ekoizle bat da.

Berak antzeztutako filma ospetsuenen artean honako hauek daude: Chasing Amy (1997), Good Will Hunting (1997), Matt Damon aktorea eta adiskidearekin elkarlanean idatzia eta antzeztua, Armageddon (1998), Dogma (1999), Pearl Harbor (2001), Changing Lanes (2002), The Sum of All Fears (2002), Daredevil (2003), Hollywoodland (2007), State of Play (2009), The Town (2010), Argo (2012) eta Live by Night (2016).

Nahiz eta Kalifornian jaio izan, oso gazterik bere familiarekin batera Massachusetts estatuko Cambridge udalerrira lekualdatu zen. Bertan, bere adiskidemina den Matt Damon aktorea ezagutu zuelarik.

Bestalde, 2005ean Jennifer Garner aktorearekin ezkondu zen.

2012ko irailaren 22an Donostiako Zinemaldian egon zen.

Biografia

Affleck Berkeleyn (Kalifornia) jaio zen 1972ko abuztuaren 15ean. Ama Anne Christine Chris Affleck izan zuen, irakasle tokiko eskolan eta aita, berriz, Timothy Byers Affleck, gizarte langilea, atezaina, mekanikaria, zerbitzaria, idazlea, Bostoneko Antzerki Konpainiako aktorea eta zuzendaria ere izan zena. Anaia gazteena bera ere aktorea den Casey Affleck du.

Affleck abizena eskoziar jatorrikoa da eta arbaso ingeles, irlandar, eskozes eta alemaniarrak ditu. Familia episkopaliarra da gehienbat eta, Ben gaztea zenean, Cambridgeera aldatu zuen bere bizitokia, Boston (Massachusetts)etik gertu. 1984an, gurasoak dibortziatu egin ziren.

8 urte zituen Affleckek Matt Damon ezagutu zuen, 10 urte zituen mutikoa. Bizitza osoan mantenduko zuten adiskidetasun harremana hasi zuten biek. Batera ez bazen izan ere, biek ikasi zuten Cambridge Rindgen eta Latin Schoolen. Geroago, Affleckek Los Angeleseko Occidental Collegen ikasi zuen eta baita Vermonteko unibertsitatean ere, Ekialde Hurbileko ikasketetan espezializatu zelarik. Ikasketak utzi zituen, ordea, eta Hollywooden arrakasta izaten saiatu zen. 13 urte besterik ez zituen Mexikora joan zenean bizitzera; urtebete egon zen han eta gazteleraz hitz egiten ikasi zuen.

Lanbidea

Hasiera

9 urte besterik ez zituen, Affleckek Jan Eglesonek zuzenduriko The dark end of the street (1981) filman debuta egin zuenean. Hainbat telesail egin zuen eta The Voyage of the Mimin (1984) protagonista izan zen.

1990eko hamarkadan, paper ezberdinak egin zituen: Lifestories: Familias en Crisis eta film batzuk ere bai: Robert Mandelen School Ties (1992), Matt Damon, Brendan Fraser eta Chris O'Donnellekin batera; Buffy the Vampire Slayer (kredituetatik kanpo); Richard Linklaterrek zuzenduriko Dazed and Confused (1993) filma ; Shannen Doherty eta Jeremy Londonekin batera egin zuen Mallrats (1995) komedia; Chasing Amy (1997), Joey Lauren Adams eta Jason Leerekin. Azken bi film hauek Kevin Smith idazle eta zuzendariarekin elkarlanaren hasiera markatuko zuten.

1993an egin zuen debuta zuzendari bezala, 16 minutuko komedia batekin: I Killed My Lesbian Wife, Hung Her on a Meat Hook, and Now I Have a Three-Picture Deal at Disney.

90eko hamarkadaren amaieran, benetako izarra zela garbi utzi zuen hainbat film komertzialetan parte hartu zuenean: Armageddon (1998), Michael Bayk zuzenduriko thrillerra edo John Maddenen Shakespeare in Love (1999) oskarizatua, Joseph Fiennes eta Gwyneth Paltrowekin egin zuena. 1999an, Dogma egin zuen Matt Damon, Linda Fiorentino eta Salma Hayekekin. Urte berean, Forces of Nature egin zuen Sandra Bullockekin.

2000-2004

2000n, Affleck John Frankenheimerrek zuzenduriko Reindeer Games thrillerrean azaldu zen Charlize Theronekin batera.

2001ean, berriz, Jay and Silent Bob Strike Back egin zuen Kevin Smith eta Jason Mewesekin batera. Urte berean, Saturday Night Liven hainbat atal ere egin zituen. Era berean, Jerry Bruckheimerren Pearl Harborren ere hartu zuen parte.

2003an, Mark Steven Johnsonek zuzendu zuen Marvel Comicsek heroiaren egokitzapenaren protagonista izan zen, Jennifer Garnerrekin batera egingo zuena. Geroago, Martin Bresten Gigli (2003) filma egin zuen.

2004an, Jersey Girl egin zuen Jennifer Lopez eta Liv Tylerrekin batera.

Arrakasta

Hollywoodeko industrian izanz zuen lehen arrakasta Matt Damon, Minnie Driver eta Robin Williamsekin egin zuen Gus Van Santek zuzenduriko Good Will Hunting (1997) drama izan zen. Affleck eta Damonen artean idatzi zuten eta gidoi onenaren Urrezko Globoa eta Oskarra irabazi zuten harekin.

Damon eta Chris Moore eta Sean Bailey ekoizleekin batera, LivePlanet konpainia sortu zuten eta Project Greenlight dokumental seriea ekoiztu zuten. Emmyrako izendapena jaso zuen 2002, 2004 eta 2005ean.

Affleck Armageddon (1998) filma egin zuen Bruce Willisekin batera. Filmak ez zituen kritika onak jaso, ez denak behintzat, baina arrakasta izan zuen 553 milioi dolar jaso baitzituen.

2001ean, Affleckek berriro elkarlana egin zuen aurrekoaren zuzendariarekin, Michael Bayrekin, Pearl Harbor filman. Honek ere gazi-gozok izan zituen kritikoen artean, baina 449 milioi dolar jaso zituen mundu osoan.

2002an, Jack Ryan interpretatzeko deitu zioten, aurrez Alec Baldwin eta Harrison Fordek egin zuten papera, The Sum of All Fears filmetan laugarrena. Aurreko filmetatik aldenduz, Morgan Freeman ere izango zuen lagun honetan.

2003an, Roger Eberten Daredevil filma ere ez zen atzera geratu eta 179 milioi jaso zituen.

Ondoren, Affleckek Gigli (2003) egin zuen eta Surviving Christmas (2004) eta dirua egiteko makina geratzen ari zela eman zuen.

2012-gaur arte

2012an, Affleckek Terrence Malickek zuzenduriko To the Wonder egin zuen Olga Kurylenko, Javier Bardem, Rachel McAdams eta Rachel Weiszekin batera. 2010ean eginiko lana zen Tulsan, Oklahoma eta Pawhuska (Oklahoma)n.

2012an, Argo estreinatu zuen George Clooney eta Grant Heslov ekoizle izan zirelarik. Sari eta izendapen asko jaso zituen filmak: Urrezko Globoak, Aktoreen sindikatukoak, BAFTA eta abar. Zuzendari hoberenaren saria jaso zuen hemen eta han.

Arrakasta honen ondoren, Affleck aukeratu zuten David Yatesen ordea hartzeko Stephen Kingen The Stand eleberriaren egokitzapena zuzentzeko.

2013an, Batman izango zen Man of Steel (filma)en sekuela zen Batman v Superman: Dawn of Justice

2015ean, berriro izan zen Batman Justice League filman.

Bizitza pribatua

Affleck poker jokalari abila da. 2004an Kalifornian irabazi zuen eta 356.000 dolar irabazteaz gain munduko txapelketako finalerako klasifikatzea lortu zuen. 2008an, berriz, 20.000 dolarreko apustua eginda, 800.000 dolar irabazi zituela esaten da blackjackean.

2001ean errehabilitazioan aritu beharrean izan zen, alkoholarekin arazoak izan zituelako. Arazo horiek ez ziren betirako desagertuko, ordea^[1].

Familia eta harremanak

1998an, Gwyneth Paltrowekin ibili zen harremanetan^[2].

2002an, berriz, Jennifer Lopez aktore eta abeslaria izan zuen bikote. Irailean ezkontzeko asmotan baziren ere, 2004an banandu ziren^[3].

2005ean ezkondu zen Jennifer Garnerrekin. Pearl Harbor filma egitekoan ezagutu zuen hau eta Daredevil egiten elkartu ziren berriro. 2005eko abenduaren 1ean izan zuten lehen alaba, Violet Anne Affleck eta, 2009ko urtarrilaren 6an, berriz, bigarrena, Seraphina Rose Elizabeth Affleck. Hirugarrena mutila izan zuten, Samuel Affleck Garner, eta 2012an jaio zen.

2015ean banandu ziren, 10 urteko elkarbizitzari amaiera emanez^[4].

Filmografia

Urtea	Filma	Pertsonaia	Oharrak
1981	The Dark End of the Street	Kalekumea
1984	The Voyage of the Mimi	C.T. Granville	Telesaila
1987	Hands of a Stranger	Billy Hearn	Telefilma
1988	The Second Voyage of the Mimi	C.T. Granville	Telesaila
1991	Almost Home	Kevin Johnson	Telesaila
1991	Daddy	Ben Watson	Telefilma
1992	School Ties	Chesty Smith
1992	Buffy the Vampire Slayer	10. zenbakidun saskibaloi jokalaria	Krediturik gabe
1993	Dazed and Confused	Fred O'Bannion
1993	Against the Grain	Joe Willie Clemons	Telesaila; 8 atal
1995	Mallrats	Shannon Hamilton
1996	Glory Daze	Jack
1997	Good Will Hunting	Chuckie Sullivan baita gidoigilea ere	Matt Damon aktore eta adiskidearekin elkarlanean
	Chasing Amy	Holden McNeil
	Going All the Way	Tom "Gunner" Casselman
1998	Shakespeare in Love	Ned Alleyn
	Armageddon	A. J. Frost
	Phantoms	Bryce Hammond sheriffa
1999	Dogma	Bartleby
	Forces of Nature	Ben Holmes
	200 Cigarettes	Bartender
2000	Bounce	Buddy Amaral
	Reindeer Games	Rudy Duncan
	Boiler Room	Jim Young
	Joseph: King of Dreams	Joseph	Ahotsa
2001	Jay and Silent Bob Strike Back	Holden McNeil/Bere burua antzeztuz
	Daddy and Them	Lawrence Bowen
	Pearl Harbor	Rafe McCawley kapitaina
2002	The Sum of All Fears	Jack Ryan
	Changing Lanes	Gavin Banek
	The Third Wheel	Michael
	Push, Nevada	(Gidoigilea)
2003	Daredevil	Matt Murdock/Daredevil
	Gigli	Larry Gigli
	Paycheck	Michael Jennings
2004	Surviving Christmas	Drew Latham
2004	Jersey Girl	Ollie Trinke
2005	Elektra	Matt Murdock/Daredevil	(Eszena laburra)
2006	Clerks II	Gawking Guy
	Hollywoodland	George Reeves
	Man About Town	Jack Giamoro
2007	Smokin' Aces	Jack Dupree
2007	Gone Baby Gone	(Gidoigilea eta zinema zuzendaria)
2009	He's Just Not That Into You	Neil
	State of Play	Stephen Collins
	Extract	Dean
2010	The Company Men	Bobby Walker
2010	The Town	Doug MacRay baita gidoigilea eta zuzendaria ere
2012	To the Wonder	Neil
2012	Argo	Tony Mendez baita zuzendaria ere
2013	Runner, Runner	Ivan Block	Filmatzeke

Erreferentziak

Kanpo estekak

Wikimedia Commonsen badira fitxategi gehiago, gai hau dutenak: Ben Affleck

Ben Affleck aktorearen IMDBko fitxa irakurgai (Ingelesez)

Datuak: Q483118
Multimedia: Ben Affleck / Q483118

[1] ttps://elpais.com/elpais/2017/11/21/gente/1511278714_478088.html

[2] ttp://www.elmundo.es/loc/2016/07/22/5791fe0e268e3ea8088b467f.html

[3] ttps://www.hola.com/cine/2012101361216/ben-affleck-entrevista-jennifer-lopez/

[4] ttps://www.hola.com/cine/2015070379739/ben-affleck-jennifer-garner-bahamas/

[1]

[2]

[3]

[4]

i e a Jatorrizko gidoi onenaren Oscar Saria
1940–1975	Preston Sturges (1940) Herman J. Mankiewicz eta Orson Welles (1941) Michael Kanin eta Ring Lardner Jr. (1942) Norman Krasna (1943) Lamar Trotti (1944) Richard Schweizer (1945) Muriel Box eta Sydney Box (1946) Sidney Sheldon (1947) Ez zuten eman (1948) Robert Pirosh (1949) Charles Brackett, D. M. Marshman Jr. eta Billy Wilder (1950) Alan Jay Lerner (1951) T. E. B. Clarke (1952) Charles Brackett, Richard L. Breen eta Walter Reisch (1953) Budd Schulberg (1954) Sonya Levien eta William Ludwig (1955) Albert Lamorisse (1956) George Wells (1957) Nathan E. Douglas eta Harold Jacob Smith (1958) Clarence Greene, Maurice Richlin, Russell Rouse eta Stanley Shapiro (1959) I. A. L. Diamond eta Billy Wilder (1960) William Inge (1961) Ennio de Concini, Pietro Germi eta Alfredo Giannetti (1962) James Webb (1963) Peter Stone eta Frank Tarloff (1964) Frederic Raphael (1965) Claude Lelouch eta Pierre Uytterhoeven (1966) William Rose (1967) Mel Brooks (1968) William Goldman (1969) Francis Ford Coppola eta Edmund H. North (1970) Paddy Chayefsky (1971) Jeremy Larner (1972) David S. Ward (1973) Robert Towne (1974) Frank Pierson (1975)
1976–2000	Paddy Chayefsky (1976) Woody Allen eta Marshall Brickman (1977) Robert C. Jones, Waldo Salt eta Nancy Dowd (1978) Steve Tesich (1979) Bo Goldman (1980) Colin Welland (1981) John Briley (1982) Horton Foote (1983) Robert Benton (1984) William Kelley, Pamela Wallace eta Earl W. Wallace (1985) Woody Allen (1986) John Patrick Shanley (1987) Ronald Bass eta Barry Morrow (1988) Tom Schulman (1989) Bruce Joel Rubin (1990) Callie Khouri (1991) Neil Jordan (1992) Jane Campion (1993) Quentin Tarantino eta Roger Avary (1994) Christopher McQuarrie (1995) Joel Coen eta Ethan Coen (1996) Ben Affleck eta Matt Damon (1997) Marc Norman eta Tom Stoppard (1998) Alan Ball (1999) Cameron Crowe (2000)
2001–gaur	Julian Fellowes (2001) Pedro Almodóvar (2002) Sofia Coppola (2003) Pierre Bismuth, Michel Gondry eta Charlie Kaufman (2004) Paul Haggis eta Bobby Moresco (2005) Michael Arndt (2006) Diablo Cody (2007) Dustin Lance Black (2008) Mark Boal (2009) David Seidler (2010) Woody Allen (2011) Quentin Tarantino (2012) Spike Jonze (2013) Alejandro G. Iñárritu, Nicolás Giacobone, Alexander Dinelaris Jr. eta Armando Bo (2014) Tom McCarthy eta Josh Singer (2015) Kenneth Lonergan (2016) Jordan Peele (2017) Nick Vallelonga, Brian Currie eta Peter Farrelly (2018) Bong Joon-ho eta Han Jin-won (2019) Emerald Fennell (2020/21) Kenneth Branagh (2021) Daniel Kwan eta Daniel Scheinert (2022)